झण्डै २ अर्व जरिवाना र ३ वर्ष जेल सजायाँको माग गर्दै बहुराष्ट्रिय कम्पनी वरुण बेभरेज विरुद्ध राजश्व छलीको मुद्दा

Best Khabar Team | २०२६ पुष १७ गते बिहिबार

१९ डिसेम्बर, २०१९
काठमाडौं । नक्कली भ्याट विल प्रयोग गरी कर छलेको आरोपमा कोलड्रिंक उत्पादक कम्पनी वरुण वेभरेज विरुद्ध मुद्दा दायर भएको छ । विशेषतः बहुराष्ट्रिय उत्पादन पेप्सी उत्पादक कम्पनी वरुण वेभरेजविरुद्ध ६४ करोड रुपैयाँ राजश्व छलि गरेको आरोपमा मुद्दा दायर भएको हो । राजश्व अनुसन्धान विभागले विभागले वेभरेजका सञ्चालक अमित गुप्ता, तथा पूर्व सञ्चालकहरु रविकान्त जयपुरिया, प्रविणकुमार अग्रवाल, विनोदकुमार सिंह, रविकान्त जयपुरिया र अशोक कुमारविरुद्ध १ अर्ब २९ करोड ९२ लाख रुपैयाँ जरिवाना र ३ वर्ष कैद सजाय माग गर्दै काठमाडौं जिल्ला अदालतमा मुद्दा दायर गरेको हो ।

जिल्ला अदालत काठमाडौंका श्रेस्तेदार आनन्द श्रेष्ठका अनुसार विभागले सातैजना विरुद्ध हानी नोक्सानीको दोब्बरसम्मको जरिवाना मागदावी गर्दै मुद्दा दायर गरेको हो । विभागका महानिर्देशक दीर्घराज मैनालीका अनुसार विभिन्न नक्कली विल खडा गरी ६४ करोड भन्दा बढी राजश्व छली गरेर राज्यलाई अर्बौ रुपैयाँ घाटा लगाएको बरुण वेभरेजलाई कडा कारबाहीको मागसहित मुद्दा दायर गरिएको हो ।

राजश्व चुहावट गर्ने उद्देश्यले नक्कली विजक खडा गरी कर छली गर्ने बरुण वेभरेज बहुराष्ट्रिय कम्पनी हो ।