फिनल्याण्डकी ३४ वर्षकी प्रमको योजना : ४ दिनको एक हप्ता, ६ घण्टा दैनिक काम

Best Khabar Team | २०७७ जेठ १९ गते सोमबार

०६ जनवरी, २०२०
हेलसिंगी । युरोपेली मुलुक फिनल्याण्डकी प्रधानमन्त्रीले हाल चलनचल्तिमा आएको साप्ताहिक कार्ययोजना भन्दा विल्कुलै नयाँ कार्ययोजना सार्वजनिक गरेकी छन् । ३४ वर्षकी प्रधानमन्त्री मरिनले ७ दिनमा ४ दिन काममा खटिन र बाँकी ३ दिन परिवारका सदस्यहरुसँग विताउने प्रस्ताव अघि सारेकी हुन् । यस्तै उनले दैनिक ६ घण्टामात्रै काम गर्ने प्रस्ताव पनि अघि सारेकी छन् ।

मानिसको जीवनमा परिवारको पनि महत्वपूर्ण भूमिका हुने भन्दै कामबाट बचेको समय परिवारका सदस्यहरुसँग बसेर विताउने योजनाका साथ नयाँ कार्यतालिका सार्वजनिक गरेकी हुन् । नयाँ कार्यतालिका अनुसार काम गर्दा काममा लोड नहुने तथा पारिवारिक रुपमा पनि यसले सकारात्मक प्रभाव छाड्ने बताएकी हुन् ।

एसियाली मुलुकहरुमा हाल दैनिक ८ घण्टा काम र १ दिन छुट्टी दिने प्रचलन रहेको भएपनि हाल फिनल्याण्डलगायत युरोपेली मुलुकमा हप्तामा ५ दिन काम, दैनिक ८ घण्टा काम गर्ने चलन छ । उनले यो प्रस्ताव पारित भएमा भोलिका दिनमा काम गर्ने कर्मचारी र कामदारमा कामप्रतिको मोह जाग्ने बताएकी छन् । मरिन विश्वकै सबैभन्दा कान्छी प्रधानमन्त्री हुन् । उनी केही समयअघि मात्रै फिनल्याण्डको प्रधानमन्त्रीमा नियुक्त भएकी हुन् ।