अबिरल वर्षाका कारण भोटेकोशीमा भीषण बाढी, कम्तीमा १५ वेपत्ता, १८ घर बगायो

Best Khabar Team | २०७७ असार २५ गते बिहिबार

०९ जुलाई, २०२०
बाह्रबिसे, सिन्धुपाल्चोक । अबिरल वर्षासँगै आएको बाढी र पहिरोमा परी सिन्धुपाल्चोकको भोटेकोशीमा कम्तीमा १५ जना वेपत्ता भएका छन् । अबिरल वर्षासँगै भोटेकोशी नदीमा आएको बाढीले सिन्धुपाल्चोकको १८ वटा घरहरु बगाएका छन् । यस्तै कतिपय स्थानमा माथिबाट आएको पहिरोमा परेर केही घरहरुमा समेत क्षति समेत पु-याएको छ ।

बाढीले सिन्धुपाल्चोकको बाह्रबिसे २ गाती आसपासका बस्ती बगाएको हो । अहिलेसम्म २ जनाको शव फेला परेको छ भने १५ जना वेपत्ता भएका छन् । गएराति करिब १ वजेतिर नदीमा बाढी आएपछि बस्ती बगाएको थियो । घटनास्थलमा अहिले नेपाली सेनाको उद्दार टोली पुगेर उद्दारको कार्य गरिरहेको भएपनि बर्षात्का कारण उद्दारमा कठिनाई भै रहेको बताइएको छ । बाढीले भोटेकोशीस्थित मध्यभोटेकोशी जलविद्युत् परियोजनाको केही भाग बगाएको छ भने बाढीमा परी एकजना चिनियाँ प्राविधिक समेत वेपत्ता भएको बताइएको छ । बाढीले भोटेकोशी गाउँपालिकाको मार्मिङ्गमा समेत कम्तीमा ५ वटा घर बगाएको बताइएको छ ।

अहिले नदी छेउका स्थानीयलाई त्यहाँबाट सुरक्षित स्थानमा सार्ने काम भै रहेको छ । काठमाडौंबाट उद्दारका लागि हेलिकोप्टरमा टोली जाने तयारी गरेको भएपनि खराब मौसमका कारण त्यो सम्भव हुन सकेको छैन ।

Comment from facebook