‘कोरोनाको दबाई’ खोज्दै पुराना गायक–गायिकाद्वय कार्की र आले

Best Khabar Team | २०७७ जेठ २८ गते बुधबार

१० जुन, २०२०
काठमाडौं । विश्वव्यापी महामारी बनेको कोरोना भाइरसको दबाई (औषधी) अहिलेसम्म बन्न नसकिरहेको परिप्रेक्षमा यसैको सेरोफेरोमा रहेर एउटा सांगीतिक प्रस्तुती बजारमा आएको छ । कुनै बेलाका चर्चित गायकगायिकको आवाजमा ‘कोरोनाको दबाई के होला?’ नामक सांगीतिक प्रस्तुती बजारमा आएको हो ।

कोरोनाबाट विश्वमा लाखौं संक्रमित तथा ४ लाख बढीको ज्यान गै सकेको सन्दर्भमा विद्यमान अवस्थालाई मध्यनजर गर्दै ६० को दशकका चर्चित गायक बमबहादुर कार्की र शिवा आलेले ‘कोरोनाको दबाई के होला?’ नामक सांगीतिक प्रस्तुती बजारमा ल्याएका हुन् । कोरोनाको कहरबाट अहिले विश्व समुदाय आक्रान्त बनिरहेको बेला सहानुभूति र सन्देश प्रवाह गर्नका लागि यो प्रस्तुती बजारमा ल्याएको गायक बमबहादुर थापाले बताएका छन् ।

कोरोनाबाट विश्व समुदायले भोग्नुपरेको पीडा र वर्तमान अवस्थालाई गीतको माध्यमबाट बर्णन गरिएको छ । गोरखा म्युजिकले बजारमा ल्याएको सो प्रस्तुती तलको लिंक क्लिक गरेर हेर्न सक्नुहुनेछ ।