कोरोनाको १०० दिन पुरा : विश्वभर १ लाख बढीको मृत्यु

Best Khabar Team | २०७७ आश्विन १८ गते आइतबार

१० अप्रिल, २०२०
पि.एल. तरंग, लिंकरोभर, बेल्जियम । चीनको बुहान प्रान्तमा पहिलो पटक गत डिसेम्बरमा देखिएको कोरोना भाइरसको संक्रमण अहिलेसम्म २ सय भन्दा बढी मुलुकमा फैलिइसकेको छ । कोरोना भाइरस (कोभिड १९) को संक्रमण देखिएको बिहीबार १०० दिन पुगेको छ । गत डिसेम्बर ३१ मा पहिलो पटक चीनको वुहानमा यो भाइरसको संक्रमण देखिएको थियो । डिसेम्बर ३१ मा चीनले विश्व स्वास्थ्य संगठनलाई कोरोनाबारे जानकारी दिएको थियो । जनवरी ९ मा चीनमा पहिलो ब्यक्तिको मृत्यु भएको थियो । कोरोना भाइरसका कारण यो १ सय दिनको अवधिमा विश्वभर १ लाख भन्दा बढी मानिसको ज्यान गै सकेको छ भने भने झण्डै १६ लाख ६३ हजार जना संक्रमित भएका छन् ।

कोरोना भाइरसका कारण विगत ३ महिना १० दिनमा विश्वभर १ लाख ३ हजार ७१ जनाको ज्यान गै सकेको छ । अमेरिका, इराक, इटली, फ्रान्स, बेलायत, स्पेन, बेल्जियम, नेदरल्याण्ड, जर्मनी, पोर्चुगल, चीनलगायतका मुलुकमा यसले सबैभन्दा बढी जनधनको क्षति पु¥याएको छ भने अन्य देशहरुमा पनि यसले मानवीय क्षति पु=याएको छ ।

यो समाचार तयार पार्दासम्म कोरोनाका कारण अमेरिकामा १७ हजार ९ सय २७ जनाले ज्यान गुमाएका छन्, यस्तै स्पेनमा १५ हजार ९ सय ७०, इटलीमा १८ हजार ८ सय ४९, फ्रान्समा १२ हजार २ सय १०, लण्डनमा ८ हजार ९ सय ५८, जर्मनीमा २ हजार ६ सय ७, इरानमा ४ हजार २ सय ३२, बेल्जियममा ३ हजार १९, नेदरल्याण्डमा २ हजार ५ सय ११ जनाको ज्यान गएको छ ।

कोरोनाका कारण संक्रमित भएका मध्ये हालसम्म ३ लाख ६९ हजार ९ सय ३७ जनाको उपचार सफल भएको छ । यस्तै ५० हजार १ सय ६१ जनाको अवहलिे खतराको अवस्थामा उपचार भै रहेको छ । कोरोनाका कारण विश्वभरको अर्थतन्त्र नराम्ररी प्रभावित भएको छ भने अधिकांश देशको विमानसेवा, यातयात, बजार, कलकारखाना, विद्यालय, क्याम्पस, होटल, रेस्टुरेन्टलगायत नराम्ररी प्रभावित भएको छ । युरोपमा कोरोना संक्रमित अधिकांश देशमा होटल तथा रेस्टुरेन्टहरु बन्दछन् ।

कोरोना लागेपनि विश्वका केहीमात्रै मुलुकमा अहिलेसम्म मानवीय क्षति भएको छैन । यस्ता देशहरुमा माडागास्कर,रुवान्डा, कम्बोडिया,गिब्राल्टार, कंगो, रुवान्डा, जमैका, बेर्मुडालगायतका देशहरु छन् । जहाँ ५० भन्दा बढी संक्रमित भेटिएपनि यी देशमा कोरोनाका कारण अहिलेसम्म कसैको ज्यान गएको छैन ।

यस्तै नेपालमा पनि यो समाचार तयार पार्दासम्म कोरोना संक्रमणबाट ९ जना पीडित देखिएपनि कसैको ज्यान गएको छैन । एकजना उपचारपछि घर फर्केका छन् भने आइसोलेसनमा रहेका ८ जनाको पनि स्वास्थ्य अवस्था सामान्य बन्दै गएको छ ।

कोरोनाको १०० दिन पुरा : विश्वभर १ लाख बढीको मृत्यु

Comment from facebook