स्पेन र पोर्चुगलमा अप्रत्यासितरुपमा विद्युत् कटौती, जनजीवन कष्टकर, रेल तथा हवाईसेवा प्रभावित

Best Khabar Team | २०२६ पुष १७ गते बिहिबार

२८ अप्रिल, २०२५
सेन्जेन, लक्जम्बर्ग । युरोपेली मुलुक स्पेन र पोर्चुगलमा आज दिउँसोदेखि एक्कासी विद्यूत् आपूर्ति बन्द भएपछि जनजीवन अस्तव्यस्त बनेको छ । स्पेनको म्याड्रिड, बार्सिलोना, सेभिल्ला तथा पोर्चुगलको राजधानी लिस्बन, अल्गार्भ एवं पोर्चुगल र स्पेनको टापुहरु, पाल्मा दि मेलोल्र्का, मदेइरा, इबिजालगायतका स्थानमा पनि दिउँसोदेखि विद्युत् सेवा अवरुद्ध बनेको छ । यो समाचार तयार पार्दासम्म (लक्जेम्बरको स्थानीय समय साँझ साढे ६ बजे) यी दुबै देशरुमा विद्युत्सेवा पूर्णरुपमा सञ्चालनमा आउन सकेको छैन । अचम्मको कुरा त के छ भने विद्युत् के कारणले कटौती भयो भन्ने विषयमा वास्तविक जानकारी अहिलेसम्म प्राप्त हुन सकेको छैन ।

घण्टौसम्म विद्युत्सेवा अवरुद्ध हुँदा विशेष गरी रेलसेवा तथा हवाईसेवासमेत प्रभावित बनेको छ । स्पेनको वार्सिलोना, म्याड्रिड, पोर्चुगलका लिस्बनलगायतका क्षेत्रका विमानस्थलमा आउने यात्रुहरु आउन नसकेपछि र विमानस्थलमै समेत विद्युत् सेवा अवरुद्ध भने हवाई उडामान समेत अवरोध देखिएको बताइएको छ । विद्युत्सेवा अवरुद्धहुँदा सडक बत्तिसमेत सञ्चालनमा आउन सकेको छैन । जसका कारण सवारीसाधनहरु सञ्चालनमा समेत समस्या देखिएको छ । जसका कारण सडकहरु अस्तव्यस्त बनेको छ । यस्तै मानिसहरुले बैंक तथा अन्य सार्वजनिक सेवा प्रवाह हुने स्थानमा समेत सेवा लिन सकिरहेका छैनन्। विद्युत् सेवा अवरुद्ध हुँदा कतिपयस्थानमा मोबाइलसेवा समेत अवरुद्ध बनेको छ ।

स्पेनका प्रधानमन्त्री पेड्रो सान्चेजलेले युरोपेली विद्युत् प्रणालीमै समस्या आएकोले विद्यूत्सेवा अवरुद्ध भएको भन्दै वास्तविक कारण अझै पत्ता लाग्न नसकेको बताएका छन् । उनले केहीबेरअघि पत्रकार सम्मेलन गरी सरकारले जतिसक्दो छिटो विद्युत्सेवा सूचारु गर्नका लागि कोशिष गरिरहेको र सरोकारवाला निकाय काममा खटिइरहेकोले छिट्टै विद्यूत् आपूर्ति सूचारु हुने आशा व्यक्त गरेका छन् । उनले नागरिकहरुलाई आवश्यक यात्रामात्रै गर्न र टेलिफोनहरुसमेत छोटो कुराकानीको लागि मात्रै प्रयोग गर्न भनेका छ्न् ।

स्पेनका प्रधानमन्त्री पेड्रो सान्चेजलेले युरोपेली विद्युत् प्रणालीमै समस्या आएकोले विद्यूत्सेवा अवरुद्ध भएको भन्दै वास्तविक कारण अझै पत्ता लाग्न नसकेको बताएका छन् । उनले केहीबेरअघि पत्रकार सम्मेलन गरी सरकारले जतिसक्दो छिटो विद्युत्सेवा सूचारु गर्नका लागि कोशिष गरिरहेको र सरोकारवाला निकाय काममा खटिइरहेकोले छिट्टै विद्यूत् आपूर्ति सूचारु हुने आशा व्यक्त गरेका छन् । उनले नागरिकहरुलाई आवश्यक यात्रामात्रै गर्न र टेलिफोनहरुसमेत छोटो कुराकानीको लागि मात्रै प्रयोग गर्न भनेका छ्न् । यस्तै पोर्चुगलका प्रधानमन्त्री लुइस मोन्टेनेग्रोले पनि आफ्ना नागरिकहरुलाई अनावश्यकरुपमा लामो यात्रा नगर्न तथा सामाजिक सञ्जालहरुमा अनावश्यक हल्ला नफैलाउन भनेका छन् ।

यसैबीच स्पेनको राष्ट्रिय रेल सेवा कम्पनीका अनुसार हालसम्म विद्युत् सेवा अवरुद्ध भएर रेलमा फसेका ३० हजार भन्दा बढी नागरिकहरुलाई सकुशल बाहिर निकालिएको छ । यसक्रममा देशका विभिन्न क्षेत्रमा १ सय २० भन्दा बढी रेलहरु विद्यूत् कटौतीका कारण रेलवेमै फसेका थिए । यसका अलावा फ्रान्स र इटलीका केही क्षेत्रमा पनि आज दिउँसो केहीबेर विद्युत् सेवा अवरुद्ध भएपनि केही समयपछि नै ती देशहरुमा भने विद्युत् सेवा सूचारु भै सकेको छ ।