झण्डै ४ महिनादेखि वेपत्ता नेपालका लागि पूर्व बेलायती राजदूतको शव भेटियो

Best Khabar Team | २०२६ पुष १७ गते बिहिबार

३१ अगस्ट, २०२०
वेस्टह्याम, बेलायत । गत मे ७ (बैशाख २४ गते बुधबार) देखि हराईरहेका नेपालका लागि पूर्व बेलायती राजदूत रिचर्ड मोरिको शव भेटिएको छ । बेलायतबाट प्रकाशित हुने समाचारहरुमा उल्लेख गरिएअनुसार स्थानीय बेन्टलीको काउन्टीबाट मे ७ का दिन बिहान १० बजे अन्तिमपटक पार्कमा दौडिइरहेका देखिएका मोरिसको शव ह्याम्पशायरको जंगलमा आज बेलायती प्रहरीले फेला पारेको हो । उद्यपि उनको मृत्युको कारणका विषयमा भने केही खुल्न सकेको छैन ।

नेपालका लागि राजदूत रहेका बेला मोरिसले नेपालका ग्रामिण भेगमा पुगेर खिचाएको तस्वीर । तस्वीर साभार : साउर्थन डेल्ली इको ।

शव भेटिएपछि उनको परिवारका सदस्यलाई यसको जानकारी गराइएको बताइएको छ । शवलाई अनुसन्धानका खटिएको विशेष प्रहरीले घटनास्थलबाट उठाएर अस्पतालमा ल्याएको छ । उनको शव त्यहि भेटिएको थियो जहाँ मोरिस विगत लामो समयदेखि आफ्नो प्रातः भ्रमणदेखि अन्य गतिविधि गर्न अत्यन्तै मन पराउने गर्दथे । ५० जना प्रहरी र स्वयंसेवीहरुले निरन्तर रुपमा खोजी गर्दा जंगलमा उनको शव भेटिएको बताइएको छ ।

वेपत्ता मोरिसको खोजिका लागि जंगलमा खटिएको बेलायती प्रहरी । तस्वीर साभार : इन्टरनेट ।

५२ वर्षका मोरिस बेपत्ता हुनु केही समय अघिमात्रै उनी फिजीमा बेलायती उच्चायुक्तका रुपमा नियुक्त भएका थिए । उनी सन् २०१५ को नोभेम्बरदेखि देखि २०१९ को नोभेम्बरसम्म नेपालका लागि बेलायती राजदूतको रुपमा कार्यरत थिए । उनी हराएपछि उनको परिवारका सदस्यहरुले उनको खोजिका लागि स्थानीय प्रहरीसहित सबैमा विशेष अनुरोध गरेका थिए ।। झण्डै ६ फिट अग्ला कदका उनको अनुहारमा जन्मदेखि नै दाग समेत थियो । अस्ट्रेलियामा व्यापार र लगानीका महानिर्देशकको रूपमा समेत रहेर मोरिसीले काम गरिसकेको बिबिसीले उल्लेख गरेको छ ।