दल बिभाजनसम्बन्धी नयाँ अध्यादेशको प्रभाव : बाबुराम भट्टराई र महन्थ ठाकुर नेतृत्वको दुई पार्टीबीच मध्यरातमा एकता

Best Khabar Team | २०७७ बैशाख १० गते बुधबार

२२ अप्रिल, २०२०
काठमाडौं । नेपालका इतिहाँसमा धेरैजस्ता महत्वपूर्ण निर्णय तथा घटनाहरु मध्यरातमा हुने गरेका छन् । यही राजनीतिक परम्पराले यसपटक पछि धेरै पछि पुनराबृत्ति पाएको छ । सिँगो देश तथा जनता एवं विश्व समुदाय कोरोनाको कहरबाट गुज्रिरहेका बेला नेपालका राजनीतिक दलहरु भने आफू अनुकुल हुने गरी शक्तिसञ्चयको अभियानमा जुटेका छन् ।

यही क्रममा आजराति मध्यरातमा नेपालमा दुई राजनीतिक शक्तिबीच एकताको घोषणा भएको छ । महन्थ ठाकुर नेतृत्वको राष्ट्रिय जनता पार्टी नेपाल र बाबुराम भट्टराई नेतृत्वको समाजवादी पार्टीबीच आजराति मध्यरातमा एकता भएको हो । एकतासँगै नयाँ बन्ने पार्टीको नाम ‘जनता समाजवादी पार्टी’ रहने बैठकपछि जारी गरिएको एकता पत्रमा उल्लेख छ ।

सहमति पत्रमा राजपाका तर्फबाट अध्यक्ष मण्डलका सदस्य महन्थ ठाकुर, राजेन्द्र महतो, महेन्द्र राय यादव र शरतसिंह भण्डारीले हस्ताक्षर गरेका छन् भने समाजवादी पार्टीको तर्फबाट डा. बाबुराम भट्टराई, उपेन्द्र यादव, अशोक राई र राजेन्द्र श्रेष्ठले हस्ताक्षर गरेका छन् ।

नयाँ सहमति अनुसार अब नवघोषित पार्टीको झण्डा यसअघिको समाजवादीको र चुनाव चिन्ह भने राजपाको हुनेछ । सरकारले दल विभाजनसम्बन्धी २ वटा अध्यादेश ल्याएको४८ घण्टा वित्न नपाउँदै दुई दलले आ–आफ्नो पार्टीलाई फुट्नबाट जोगाउन यो कदम चालेको बताइएको छ ।

Comment from facebook