Best Khabar Team | २०७६ फाल्गुन ८ गते बिहिबार

२० फेब्रअरी, २०२०
काठमाडौं । स्वदेशमै राहदानी छाप्नका लागि सेक्युरिटी प्रेस खरिद गर्ने विषयमा ७० करोड रुपैयाँ कमिसन मागेको एक विवादस्पद अडियो सार्वजनिक भएपछि सञ्चारमन्त्री गोकुल बास्कोटाले आज पदबाट राजीनामा दिएका छन् । हिजो राति हाम्राकुरा डटकमका प्रधानसम्पादक अजयबाबु सिवाकोटीको बाइलाइनमा सो अनलाईनमा सञ्चारमन्त्री गोकुल बास्कोले स्वीट्जरल्याण्डको एक कम्पनीका नेपाली एजेन्टसँग ७० करोड रकम डिल गर्न आग्रह गर्दै निजामी कर्मचारीलाई अपशब्द प्रयोग गर्दै गाली गरेको अडियो सार्वजनिक भएपछि उनको चौतर्फी आलोचना भएको थियो ।
यही विषयमा प्रतिपक्षी नेपाली काँग्रेसले संसदको बैठक समेत अवरुद्ध गर्दै तत्काल उनलाई बर्खास्त गर्न माग गरेको थियो । चौतर्फी आलोचना खेप्न नसकेपछि मन्त्री बास्कोटाले आज दिउँसो प्रधानमन्त्री केपी शर्मा ओली समक्ष राजीनामापत्र बुझाएका हुन् । सञ्चारमन्त्री भएदेखि नै बास्कोटा पटक पटक विवादमा फस्दै आएका थिए । उनी पछिल्लो समयमा मिडियाप्रति निक्कै आक्रामक समेत देखिएका थिए ।
आफूले गरेका सबै कुरा ठिक र मिडिया नै नेगेटिभ हो भन्ने मनशाय पालेका बास्कोटाले मन्त्रीभएलगत्तै नेपाल टेलिभिजनमा अन्र्तवार्ताका क्रममा प्रश्न सोधेकै कारण प्रस्तोता राजु थापालाई टेलिभिजनबाट हटाई कार्यक्रम नै बन्द गराई दिएका थिए । उनले राजीनामा दिएपछि अर्थ मन्त्री युवराज खतिवडालाई सञ्चारमन्त्रालयको समेत जिम्मेवारी दिइएको छ ।
निवर्तमान सञ्चारमन्त्री बाँस्कोटाले आफ्नाबारे विभिन्न खाले टिका टिप्पणी आएपछि आफूले नैतिकताको आधारमा राजीनामा दिएको बताएका छन् ।
स्पेन र पोर्चुगलमा अप्रत्यासितरुपमा विद्युत् कटौती, जनजीवन कष्टकर, रेल तथा हवाईसेवा प्रभावित
२०८२ बैशाख १५ गते सोमबार
२८ अप्रिल, २०२५सेन्जेन, लक्जम्बर्ग । युरोपेली मुलुक स्पेन र...
युएईको अस्पतालमा उपचाररत १ इटालीयनसहित दुई नेपाली कोरोना संक्रमणबाट मुक्त भए
२०७६ चैत्र १० गते सोमबार
२३ मार्च, २०२० अबुधावी । संयुक्त अरव इमिरेट्समा कोरोना...
४६ औं राष्ट्रपतिको रुपमा ह्वाईट हाउस छिरे बाइडेन !
२०७७ माघ ७ गते बुधबार
२० जनवरी, २०२१न्यूर्योक । संयुक्त राज्य अमेरिकाको ४६ औं...
५ महिनाका लागि नयाँ प्रहरी प्रमुख नियुक्त, ज्ञवाली बने २७ औं प्रहरी महानिरीक्षक
२०७६ माघ २८ गते मंगलबार
१० फेब्रुअरी, २०२० काठमाडौं । सरकारले ५ महिनाका लागि...
४ जिल्लामा थपिए ५७ संक्रमित, कोरोना संक्रमितको संख्या १९१
२०७७ बैशाख ३० गते मंगलबार
१२ मे, २०२०काठमाडौं । नेपालमा एकैदिन ५७ जनामा कोरोना...
Top