५ बुँदे सहमतिमा टुंग्याईयो उखु किसानको काठमाडौं केन्द्रीत आन्दोलन

Best Khabar Team | २०७६ पुष १८ गते शुक्रबार

०३ जनवरी, २०२०
काठमाडौं । चिनी मिललाई दिइएको उखुको बक्यौता रकम पाउनुपर्ने माग गर्दै विगत २ सातादेखि काठमाडौं केन्द्रीत आन्दोलन गर्दै आइरहेका उखु किसानको आन्दोलन ५ बुँदे सहमतिसँगै टुंगिएको छ । सरकार र आन्दोलनरत उखुकिसानबीच आज आपूर्ति मन्त्रालयमा भएको पाँच बुँदेसहमतिसँगै किसानहरुले आन्दोलनका कार्यक्रम फिर्ता लिएका हुन् । सहमतिअनुसार आगामी माघ ७ गतेभित्र चिनी मिल सञ्चालकहरुले किसानलाई दिनुपर्ने सबै बक्यौता रकम फिर्ता गर्नेछन् ।

त्यसका लागि मन्त्रालयले सहजिकरणको भूमिका निर्वाह गर्ने वाणिज्य तथा आपूर्ति मन्त्री लेखराज भट्ट र मदुरबीचको सहमतिमा उल्लेख छ । साथै किसानहरुलाई बेलैमा मल उपलब्ध गराउने तथा किसानहरुका सबै समस्याको उचित सम्बोधन गर्ने विषयमा समेत सहमति बनेको छ ।

उखु किसानहरुको गुनासो सुन्नका लागि हटलाईन सेवा सञ्चालनमा ल्याउने, उनीहरुको क्षमता तथा कृषि क्षेत्रको स्तरोन्नत्तीका लागि सरकारले विशेष ध्यान दिने सहमति पनि भएको छ । सहमति अनुसार अबको १८ दिनभित्र उखुको बाँकी बक्यौता रकम किसानहरुले पाइसक्नुपर्नेछ ।