ट्रम्पको स्वागतका लागि भारतीय प्रधानमन्त्री मोदी नै पुगे विमानस्थल

Best Khabar Team | २०७६ फाल्गुन १२ गते सोमबार

२४ फेब्रुअरी, २०२०
नयाँदिल्ली । दुईदिने भारत भ्रमणका लागि अमेरिकी राष्ट्रपति डोनाल्ड ट्रम्प आज भारतको गुजरात पुगेका छन् । ट्रम्पको स्वागतका लागि भारतीय प्रधानमन्त्री नरेन्द्र मोदी नै गुजरातको सरदार बल्लभभाई पटेल विमानस्थल पुगेका थिए ।

राष्ट्रपति ट्रम्प अमेरिकाबाट विशेष विमान चढेर भारतीय प्रधानमन्त्री नरेन्द्र मोदीको गृहनगर गुजरातस्थित अमदावाद पगेका हुन् । त्यसलगत्तै ट्रम्पले अमदावादको सावरमती आश्रमको निरीक्षण गर्नुका साथ मोटेरा स्थित क्रिकेट रंगशालामा आयोजित ‘नमस्ते ट्रम्प’ नामक कार्यक्रमलाई सम्बोधन गरेका थिए ।

त्यस क्रममा राष्ट्रपति ट्रम्पसले भारतसँग करिब ३ अर्ब बराबरको रक्षा संझौता गर्ने घोषणा गरेका थिए । कार्यक्रमलाई सम्बोधन गर्दै प्रधानमन्त्री मोदीले राष्ट्रपति ट्रम्पको भारत भ्रमणले भारतको गौरब बढेको प्रतिक्रिया दिएका थिए । यो भ्रमणले दुई देशबीचको सम्बन्ध थप बलियो र प्रगाढ बन्ने विश्वास व्यक्त गरेका थिए ।