मुग्लिन–नारायणगढ सडकखण्डको चार किलोमा पहिरो, राजमार्ग पूर्णरुपमा अवरुद्ध

Best Khabar Team | २०७७ श्रावण ५ गते सोमबार


२० जुलाई, २०२०
रामघाट, चितवन । अबिरल बर्षात्का कारण आएको पहिरोले मुग्लिन नारायणगढ सडकखण्डको चारकिलो खण्ड फेरि अवरुद्ध भएको छ । विगत केही दिनदेखिको अबिरल वर्षात्का कारण यो सडकखण्डमा पटक–पटक पहिरोले सडक अवरुद्ध गर्दै आएका थियो ।

आज पनि बिहानै स्थानीय कालीखोला भन्ने स्थानमा सडक माथिबाट खसेको पहिरोले सडक पूर्णरुपमा अवरुद्ध गरेको छ । केही वर्षअघि मात्रै सो सडक खण्ड दुईलेनको बनाएर कालोपत्रे गरिएको थियो । तर पहिरिएर सडकमा आएर माटो, ढुंगा तथा रुख बुट्यानहरु जम्मा हुँदा यो सडकखण्ड पूर्णरुपमा अवरुद्ध भएको छ । निरन्तरको झरीका कारण सडकको पहिरो हटाउन पनि कठिनाई भै रहेको छ ।

पहिरो खसेको ठाउँबाट ढुँगा तथा माटोहरु निरन्तर रुपमा खसिरहेका कारण तत्काल पहिलो हटाउन कठिनाई भएको सडक विभाग नारायणगढ शाखाले जानकारी दिएको छ । बिहान ४ बजे तिर सो सडक खण्डमा पहिरो खसेको भएपनि अहिले यो समाचार तयार पार्दासम्म सडक पूर्णरुपमा अवरुद्ध नै रहेको छ । जसका कारण सडकका दुबै तर्फ दर्जनौं गाडीहरु अलपत्र बनेका छन् । तत्काल सडक खुलाउन सकिने अवस्था नभएकोले प्रहरीले गाडी तथा यात्रुहरुलाई बैकल्पिक सडक प्रयोग गर्नका लागि अनुरोध गरेका छन् ।

एक महिनादेखि निरन्तर रुपमा हरेक दिन जसो यो क्षेत्रमा साना ठूला पहिलो खस्दै आइरहेका छन् । आजको पहिरो ठूलो रहेकोले तत्काल यसलाई खुलाएर सडक सञ्चालनका लागि समय लाग्ने बताइएको छ । झरी रोकिने वित्तिकै पहिलो हटाउने काम अघि बढाइने विभागको भनाई छ ।



Comment from facebook



थप खबर पढ्नुहोस्
स्पेन र पोर्चुगलमा अप्रत्यासितरुपमा विद्युत् कटौती, जनजीवन कष्टकर, रेल तथा हवाईसेवा प्रभावित स्पेन र पोर्चुगलमा अप्रत्यासितरुपमा विद्युत् कटौती, जनजीवन कष्टकर, रेल तथा हवाईसेवा प्रभावित

२०८२ बैशाख १५ गते सोमबार

२८ अप्रिल, २०२५सेन्जेन, लक्जम्बर्ग । युरोपेली मुलुक स्पेन र...

करिब ४७ लाख ब्लडमनी तिरेर साउदी जेलबाट छुट्ने यी हुन् महतो करिब ४७ लाख ब्लडमनी तिरेर साउदी जेलबाट छुट्ने यी हुन् महतो

२०७६ मंशिर २७ गते शुक्रबार

१३ डिसेम्बर, २०१९ काठमाडौं । करिब ४७ लाख रुपैयाँ...

प्रधानमन्त्रीलाई एउटा दाइको खुला पत्र प्रधानमन्त्रीलाई एउटा दाइको खुला पत्र

२०७६ माघ २६ गते आइतबार

कृष्णज्वाला देवकोटा – प्रधानमन्त्रीजी, यो कुनै सम्पादक वा लेखकको...

ट्रम्प प्रशासनले अमेरिकी नागरिकलाई क्युवा भ्रमणमा रोक लगायो ट्रम्प प्रशासनले अमेरिकी नागरिकलाई क्युवा भ्रमणमा रोक लगायो

२०७६ जेठ २३ गते बिहिबार

०६ जुन, २०१९न्यूयोर्क । छिमेकी मुलुक क्युवाको भ्रमणमा आफ्ना...

असार १ गतेदेखि काठमाडौं भित्रने र बाहिरिनेहरुका लागि नयाँ व्यवस्था (विज्ञप्तिसहित) असार १ गतेदेखि काठमाडौं भित्रने र बाहिरिनेहरुका लागि नयाँ व्यवस्था (विज्ञप्तिसहित)

२०७७ जेठ ३२ गते आइतबार

१४ जुन, २०२०काठमाडौं । गृहमन्त्रालयले लकडाउन खुकुलो भएसँगै यही...

Top