ब्रह्मलीन भए नेपाली सांगीतिक आकाशका ‘रत्न’ अर्थात् रत्नशमशेर थापा

Best Khabar Team | २०२६ पुष १७ गते बिहिबार

२८ मे, २०२०
काठमाडौं । नेपाली सांगीतिक आकाशमा ‘रत्न’को रुपमा परिचित बरिष्ठ गीतकार रत्न शमशरेर थापा आज ब्रह्मलीन भएका छन् । नशा सम्बन्धी रोगका कारण लामो समयदेखि पीडित थापाको उपचारको क्रममा आज काठमाडौंको थापाथलीस्थित नर्भिक अस्पतालमा निधन भएको हो ।

नेपाली सुगम संगीतमा एउटा रत्नको रुपमा परिचय छाड्न सफल थापाले रचना गरेका दर्जनौं गीतहरु अहिले पनि कालजयी बनेर नेपाली सांगीतिक आकाशमा सुरक्षित रहेको छ । ‘घुम्तीमा नआऊ है आँखा तिमी जुधाउन, पन्छीमा राम्रो डाँफे, गोरेटो त्यो गाउँको, ए कान्छा ठट्टैमा बैँस, जाग लम्क चम्क हे, आँखाको भाका आँखैले, उकाली ओराली गर्दै’ लगायतका दर्जनौ गीतहरुको शब्द उनै स्वर्गीय गायक थापाको रचना हो ।

स्वर सम्राट स्वर्गीय नारायणगोपालले समेत उनको रचनाको गीत गाएका थिए । सन् १९३९मा जन्मिएका थापाका २ दर्जनजति गीत तथा कविताहरुको संग्रहहरु पनिरहेको छ । १८ वर्षको उमेरदेखि गीत लेखन शुरु गरेका थापाको आज ८३ वर्षको उमेरमा निधन भएको उनको परिवारले जानकारी दिएको छ ।