बेलायतमा एनआरएन पूर्व उपाध्यक्ष कूल आचार्यमा कोरोना लक्षण : घरमै आइसोलेसनमा

Best Khabar Team | २०७७ बैशाख ६ गते शनिबार

१८ अप्रिल, २०२०
लण्डन । गैरआवासीय नेपाली संघ (एनआरएनए) बेलायतका पूर्व उपाध्यक्ष कूल आचार्यमा कोरोनासँग मिल्दोजुल्दो लक्षण देखिएको छ । केही समयअघि उनले आफूमा कोरोना भाइरससँग मिल्दोजुल्दो लक्षण देखिएपछि हाल आफू घरमै आइसोलेसनमा बसेको बताएका छन् ।

सामाजिक सञ्जालमा जानकारी राख्दै उनले आफू खतरामूक्त रहेको र नियमित रुपमा स्वास्थ्य लाभको क्रममा रहेको बताएका छन् । उनले आफू कोरोनाको संक्रमणमा रहेको भएपनि कोरोना संक्रमितको लागि आवश्यक पर्ने खाद्यान्न तथा अन्य सामग्री खरिदका लागि ५ लाख प्रदान गर्ने घोषणा गरेका छन् ।

यस्तै उनले विश्वव्यापी रुपमा देखिएको कोरोना संक्रमणबाट नेपालीहरुलाई जोगाउन गैरआवासीय नेपाली संघ, सुरक्षाकर्मी तथा चिकित्सकहरुले विभिन्न देशमा खेलेको भूमिका प्रति प्रशंसा व्यक्त गरेका छन् ।