काठमाडौं उपत्यकामा एकैपटक १७ जनामा कोरोना संक्रमण देखियो, संक्रमितमध्ये २ जना चिकित्सक

Best Khabar Team | २०७७ असार १७ गते बुधबार

०१ जुलाई, २०२०
काठमाडौं । देशको राजधानी काठमाडौं उपत्यकामा पछिल्लो २४ घण्टायता एकैपटक १७ जनामा कोरोना संक्रमण देखिएको छ । कोरोना संक्रमितमध्ये काठमाडौंमा १०, ललितपुरमा ५ र भक्तपुर जिल्लामा २ जना रहेका छन् ।

स्वास्थ्य तथा जनसंख्या मन्त्रालयले आज नियमित रुपमा गरेको पत्रकार सम्मेलनमा दिइएको जानकारी अनुसार काठमाडौंमा पहिलोपटक एकैचोटी यतिधेरै मानिसहरुमा कोरोना संक्रमण देखिएको हो । काठमाडौंको टेकुमा रहेको शुक्रराज ट्रपिकल तथा सरुवा रोग अस्पताल, ललितपुरको पाटन अस्पताल र भक्तपुरमा गरिएको स्वाब परीक्षणको रिपोर्ट अनुसार उनीहरुमा कोरोना पुष्टि भएको हो ।

यसैबीच ललितपुरमा भेटिएका संक्रमितमध्ये २ जना स्वास्थ्यकर्मी भएको मन्त्रालयले जनाएको छ । उनीहरुलाई अहिले निगरानीमा राखिएको बताइएको छ ।

Comment from facebook