पक्राउ पूर्जी पाएलगत्तै प्रहरीले समात्यो सांसद मनाङ्लेलाई

Best Khabar Team | २०७६ माघ ९ गते बिहिबार

२३ जनवरी, २०२०
पोखरा । एन्फा कास्कीका अध्यक्षलाई कुटपिट गरेको अभियोग लागेका गण्डकी प्रदेशका प्रदेशसभा सांसद राजीव गुरुङ्ग उर्फ दिपक मनाङ्गेलाई प्रहरीले पक्राउ गरेको छ । पोखराको पर्यटकीय नगरी लेकसाईडबाट प्रहरीले मनाङ्गेलाई एक होटलमा बसिरहेका बेला पक्रेको हो ।

राष्ट्रिय सभा निर्वाचनमा सहभागी हुनका लागि उनी पोखरा पुगेका थिए । उनले केही समय अघि अखिल नेपाल फुटबल संघ (एन्फा) का कास्की अध्यक्ष मिलन गुरुङलाई झापड हानेका थिए । गुरुङ्गले जिल्ला प्रशासन कार्यालयमा जिउ ज्यान सुरक्षा गरि पाउँ पनि निदेवन दिएलगत्तै जिल्ला प्रशासन कार्यालय कास्कीले सांसद मनाङ्गेलाई पक्रेको हो ।

३ दिन अघि पोखरामा मुख्यमन्त्री कप फुटबल प्रतियोगिताको उद्घाटन कार्यक्रममा पुगेका मनाङ्गेले आफ्ना जिल्लाबाट आएका खेलाडीको व्यवस्थापनको लागि एन्फा अध्यक्षसँग रकम मागेका थिए । रकम नदिएपनि उनले गुरुङ्गलाई झापड हानेको गुरुङ्गले जिल्ला प्रशासन कार्यालयमा दिएको उजुरीमा उल्लेख छ ।

Comment from facebook