Best Khabar Team | २०७७ श्रावण २१ गते बुधबार
०६ अगस्ट, २०२०
काठमाडौं । सरकारले लकडाउन खुलेको घोषणा गरेलगत्तै देशभर कोरोना संक्रमित र मृतकको संख्या बढ्न थालेपछि फेरि सबारी साधनमा जोर विजोर लागू गरिएको छ । आजदेखि लागूहुने गरी सरकारले काठमाडौं उपत्यकालगायत देशभर सञ्चालन हुने निजी तथा सार्वजनिक सवारी साधनमा जोर विजोर प्रणाली लागू गरेको हो ।
जस अनुसार जोरबार सवारी साधनको नम्बर प्लेटको अन्यमा जोर नम्बर भएकाहरुले मात्रै सवारी चलाउन पाउने छन् भने विजोर बार विजोर नम्बर भएकाहरुले । सरकारले लकडाउन खुकुलो पारेलगत्तै देशव्यापी रुपमा सवारी साधन तथा मानिसहरुको चहलपहल ह्वात्तै बढेपछि कोरोना भाइरसको जोखिम पनि बढेको छ । जसका कारण काठमाडौं उपत्यकासहित देशका विभिन्न जिल्लामा आज मात्रै ६ जनाले ज्यान गुमाएका छन् ।
अत्यावश्यक सेवाका सवारी साधनको हकमा भने यो नियम लागू नहुने गृहमन्त्रालयले जनाएको छ । २ सय भन्दा बढी संक्रमित रहेको जिल्लामा यो नियम अनिवार्य रुपमा लागू गर्न गृहमन्त्रालयले मातहतका निकाय र प्रहरीहरुमा सर्कुलर जारी गरेको छ । यस्तै राति ९ बजेदेखि बिहान ५ बजेसम्म हिडडुल गर्न समेत प्रतिबन्ध लगाईएको गृहमन्त्रालयले जनाएको छ । आजमात्रै देशभर ३ सय ८१ जनामा कोरोना संक्रमण पुष्टि भएको मन्त्रालयले जनाएको छ ।
२०८२ बैशाख १५ गते सोमबार
२८ अप्रिल, २०२५सेन्जेन, लक्जम्बर्ग । युरोपेली मुलुक स्पेन र...
२०७६ माघ २० गते सोमबार
०३ फेब्रुअरी २०२० पेरिस । युरोपेली मुलुक फ्रान्सको राजधानी...
२०७६ फाल्गुन १६ गते शुक्रबार
२८ फेब्रुअरी, २०२काठमाडौं । दोलखा घर भएकी बालिका खड्का...
२०७६ फाल्गुन २ गते शुक्रबार
१४ फेब्रुअरी, २०२० काठमाडौं । आज अँग्रेजी पात्रो अनुसार...
२०७६ चैत्र २ गते आइतबार
१५ मार्च, २०२०लेकसाईड । कास्कीको लुम्लेलाई केन्द्रबिन्दु बनाएर आज...
Top