आफ्ना नागरिकलाई तत्काल इराक छाड्न अमेरिकाको निर्देशन

Best Khabar Team | २०७६ पुष १९ गते शनिबार

०४ जनवरी, २०२०
न्यूर्योक । अमेरिकाका र इराकबीच पछिल्ला केहीदिन यता तनाव बढेपछि अमेरिकाले आफ्ना नागरिकलाई तत्काल इराक छाड्न निर्देशन दिएको छ । इराकको बस्दादस्थित अन्र्तराष्ट्रिय विमानस्थलमा हिजो अमेरिकाले गरेको रकेट आक्रमणका क्रममा एक इरानी सैन्य कमाण्डर मारिएपछि उत्पन्न परिस्थितिलाई मध्यनजगर गर्दै अमेरिकाले आफ्ना नागरिकलाई सुरक्षाका लागि इराक छाड्न भनेको हो ।

हिजो भएको सो घटनाको इराक र इरानले चर्को विरोध गरेका छन् भने अमेरिकाले यसको ठूलै मूल्य चुकाउनुपर्ने चेतावनी दिएका छन् । इराकको बग्दादस्थित अमेरिकी दुतावासले सूचना जारी गर्दै आफ्ना नागरिकहरुलाई तत्काल इराकको भूगोल छाडेर अन्यत्र जान भनेका हो । सकेसम्म विमानबाटै र नभए स्थलमार्गबाट भएपनि इराकको सिमाना छाडेर सुरक्षित रहन अमेरिकाले नागरिकलाई सूचित गरेको छ ।

पछिल्लो केही सातायता अमेरिका र इराकबीचको युद्द चर्कँदो छ । यही क्रममा केही दिन अघि इराकस्थित अमेरिकी दुतावास जलाउने प्रयास भएको थियो । त्यसको जवाफमा अमेरिकाले इराकमा आफ्नो सैन्य गतिविधि तीव्र बनाएको छ । हिजोको घटना त्यसैको पछिल्लो उदाहरण हो । यो घटनासँगै अमेरिका र इराकबीचको सम्बन्ध थप चिसिँदै गएको छ ।

Comment from facebook