भारतमा जवाहरलाल नेहरू विश्वविद्यालयका विद्यार्थीहरुमाथि सांघातिक हमला, दर्जनौं विद्यार्थी घाइते (भिडियोसहित)

Best Khabar Team | २०७७ जेठ १९ गते सोमबार

०६ जनवरी, २०२०
नयाँदिल्ली । भारतको चर्चित जवाहरलाल नेहरु विश्वविद्यालयमा अध्ययनरत विद्यार्थीहरुमाथि गएराति अज्ञात समूहले सांघातिक आक्रमण गरेको छ । मुखमा कालोपट्टी बाँधेर हतियारसहित विश्वविद्यालय परिसर घुसेका नाकावधारी समूहले आक्रमण गरेको हो । आक्रमणमा परी विश्वविद्यालयमा अध्ययनरत करिब ३ दर्जन विद्यार्थी घाइते भएका छन् । घाइतेहरुको शरिरका विभिन्न भागमा चोट लागेको छ ।

आक्रमणकारीहरुले रड, इटा तथा अन्य घरेलुहतियार बोकेर विश्वविद्यालय परिसरमा रहेका विद्यार्थीहरुमाथि आक्रमण शुरु गरेका थिए । आक्रमणकारीहरुले विद्यार्थीको उपचारका लागि गएका चिकित्सक तथा एम्बुलेन्समाथि पनि आक्रमण गरेको भारतीय सञ्चारमाध्यमले जनाएको छ । त्यस क्रममा आधादर्जन बढी एम्बुलेन्स र केही चिकित्सकहरु घाइते भएका छन् ।

घाइतेहरुको अहिले स्थानीय अस्पतालहरुमा उपचार भै रहेको छ । घटनामा भारतीय जनता पार्टी नेतृत्वको अखिल भारतीय विद्यार्थी परिषदको संलग्नता रहेको आशंका गरिएको छ । विगत केहीसमय यता शुल्कबृद्धिको विषयलाई लिएर सत्तारुढ र अन्य विद्यार्थी सँगठनबीचको विवाद बढ्दै गएका बेला गएराति सो घटना भएको हो ।

घटनाको विभिन्न राजनीतिक संगठन र नेताहरुले विरोध जनाएको छ । सत्तारुढ विजेपीले भने घटनाको निष्पक्ष छानबिन गरी घटनामा संलग्नमाथि कडा कारबही गर्ने जनाएको छ । घटनाको यो भिडियो हामीले एएनआई टेलिभिजनबाट साभार गरेका हौं ।

भिडियो हेर्न तलको लिंकमा क्लिक गर्नुहोस् ।

https://www.youtube.com/watch?v=B8-T2MFQrgs