सिन्धुलीमा ६ जना पक्राउ : ५५ किलो गाँजा बरामद

Best Khabar Team | २०७६ फाल्गुन १९ गते सोमबार

०३ फेब्रुअरी, २०२०सिन्धुली ।
सिन्धुलीमा ५५ केजी गाँजासहित ६ जना पक्राउ परेका छन् । जिल्ला प्रहरी कार्यालयका प्रवक्ता डिएसपी श्यामबहादुर खत्रीका अनुसार हरिहरपुरगढी–७ केमनचुलीमा उनीहरूलाई पक्राउ गरिएको हो । गाँजासहित उनीहरू ३ वटा मोटरसाइकलमा सलाही तर्फ जाँदै थिए ।

सोमबार प्रहरीले पत्रकार सम्मेलन गरी उनीहरूलाई सार्वजनीक गरेको हो ।जिल्ला प्रहरी कार्यालयबाट डिएसपी खत्री र क्यानेश्वर प्रहरी चौकीबाट खटिएको टोलीले उनीहरुलाई केमनचुलीको कच्ची सडकबाट पक्राउ गर्न सफल भएको थियो । पक्राउपछि उनीहरूलाई सदरमुकाम ल्याइएको हो। ११ वटा ५ केजीका पोका उनीहरुबाट बरामद गरिएको थियो । बरामद प्रति पोकाको मूल्य बजारमा करिब रु.५०,००० रहेको कुरा डिएसपी खक्रीले जानकारी दिए ।

Comment from facebook