आर्थिक घोटलाको आरोप लागेपछि नेदरल्याण्ड्सका प्रधानमन्त्रीद्वारा राजीनामा

Best Khabar Team | २०७७ माघ २ गते शुक्रबार

१५ जनावरी, २०२१
दि हेग, नेदरल्याण्ड । आर्थिक घोषणाको आरोप लागेका नेदरल्याण्डका प्रधानमन्त्री मार्क रुट्टेले आफ्नो पदीय जिम्मेवारीबाट राजीनामा दिएका छन् । उनले आज दिउँसो प्रधानमन्त्रीको पदबाट राजीनामा दिएको घोषणा गरेका हुन् । उनले यहाँका राजा विलेम अलेक्ज्याण्डर समक्ष राजीनामा बुझाएको नेदरल्याण्डका सञ्चारमाध्यमहरुले जनाएका छन् ।

उनीमाथि कानुन विपरित बालबालिकाको कल्याण कोषको नाममा विगत २०१० देखि पटक पटक अपारदर्शी तरिकाले काम गर्दै आएको आरोप लगेको थियो । उनले यसबीचमा सयौं घर परिवारलाई अपरादर्शी तरिकाले आर्थिक सहयोग गरेको आरोप लाग्दै आएको युरो न्यूजले आफ्नो अनलाईन संस्करणमा उल्लेख गरेको छ । हालै यहाँको संसदबाट जारी भएको एक प्रतिवेदनमा बालबालिकाको स्याहार सुसारका नाममा रुट्टे नेतृत्वको सरकारले वितरण गरेको सहयोग रकम अपारदर्शी रहेको उल्लेख गरिएको थियो ।

यसमाथि गम्भीर छानबिन हुनुपर्ने भन्दै विपक्षीहरुले पटक पटक सरकारको विरुद्ध अभियान छेड्ने तयारी गरिरहेका थिए । सन् २०१० देखि नेदरल्यण्डको प्रधानमन्त्रीको रुपमा रहेका रुट्टे चौथो कार्यकालमा आफ्नो पदीय जिम्मेवारी सम्हाल्दै आएका थिए । यद्यपि कोरोना भाइरसको व्यवस्थापनका लागि उनले अर्को सरकार नआउन्जेलसम्म आफू नेतृत्वको सरकार निरन्तर रुपमा लाग्ने उनको भनाई छ ।