पोखरामा उपचाररत स्याङ्जाका एक पुरुषको कोरोना संक्रमणबाट मृत्यु

Best Khabar Team | २०२६ पुष १७ गते बिहिबार

२५ जुन, २०२०
लेकसाइड, पोखरा । स्याङ्जाको सिरुबारी घर भएका एक कोरोना संक्रमितको उपचारको क्रममा पोखरामा ज्यान गएको छ । गण्डकी प्रदेश अन्र्तगतको सामाजिक विकास मन्त्रालयले दिएको जानकारी अनुसार कोरोना संक्रमित रहेका ५५ वर्षका एक पुरुषको उपचारकै क्रममा पोखरामा रहेको पश्चिमाञ्चल क्षेत्रीय अस्पतालमा निधन भएको हो ।

उनलाई पोखरा स्वास्थ्य विज्ञान प्रतिष्ठानले सञ्चालनमा ल्याएको सो अस्पतालको आईसीयूमा राखेर उपचार थालिएको थियो । गएको असार ८ गते कोरोनासँग मिल्दोजुल्दो लक्षण देखिएपछि उनलाई उपचारका लागि अस्पताल भर्ना गरिएको थियो । पछिल्लो समयमा उनको अवस्था गम्भीर बन्दै गएको थियो ।

योसँगै नेपालमा कोराना संक्रमणका कारण ज्यान गुमाउनेको संख्या २५ पुगेको छ । यसअघि सोही अस्पतालमा उपचारका क्रममा स्याङ्गजाकै एक पुरुषको कोरोना संक्रमणबाट निधन भएको थियो ।

Comment from facebook