लकडाउनकैबीच भारतले ४ दिनपछि आन्तरिक हवाई उडान खोल्दै, यात्रुलाई माक्स र स्यानिटाइजर अनिवार्य गरियो

Best Khabar Team | २०७७ जेठ ७ गते बुधबार


२० मे, २०२०
नयाँदिल्ली । छिमेकी मुलुक भारतले कोरोना संक्रमण र जारी लकडाउनकैबीच आन्तरिक हवाई उडान खुल्ला गर्न लागेको छ । चारदिनपछि अर्थात् आगामी मे २५ बाट लागू हुने गरी भारतले देशभर सञ्चालित हवाई उडानलाई पूर्ववत अवस्थामा खुल्ला गर्न लागेको यहाँका नागरिक उड्डयनमन्त्री हरदीप सिंह पुरीको भनाई छ । भारतले केही क्षेत्रमा लकडाउनलाई केही खुकुलो बनाएर सार्वजनिक यातयात समेत सञ्चालनमा ल्याए लगत्तै पुनः हवाई उडानलाई खुकुलो बनाउने निर्णय गरेको हो ।

अन्र्तराष्ट्रिय उडानमाथि लगाइएको प्रतिबन्ध भने कायमै रहेको उनले बताए । सरकारले तोकेको मापदण्ड पुरा गरी विमानहरुले आफ्नो नियमित उडान भर्नसक्ने भन्दै मन्त्री पुरीले आम यात्रु तथा हवाई कर्मचारीको सुरक्षाको लागि छुट्टाछुट्टै मापदण्ड तय गरिने बताएका छन् । उनले सामाजिक सञ्जालमार्फत् विमानमा यात्रा गर्ने यात्रुहरुका लागि लक्षित गरी मोबाइल एप्स बनाइएको र सोहीको आधारमा बोर्र्डिङ् पास जारी हुने बताए ।

यस्तै यात्रु तथा क्रु मेम्बरले अनिवार्य रुपमा विमानमा रहँदा र सार्वजनिक स्थानमा आउजाउ गर्दा माक्स अनिवार्यरुपमा लगाउनुपर्ने भएको छ । हरेक यात्रुलाई सेनिटाइजर बोक्न दिने तथा दुरी ४ फिटसम्मको कायम गर्नुपर्ने व्यवस्था गरेर विमान सेवा शुरु गर्न लागिएको हो । यसरी यात्रुहरुले बोक्ने स्यानिटाइजर बढीमा ३ सय ५० मिलिलिटरको हुनुपर्नेछ ।

भारतमा यो समाचार तयार गर्दासम्म ३ हजार ३ सय १७ जनाले कोरोनाका कारण ज्यान गुमाएका छन् भने १ लाख ७ हजार ८ सय १९ जनामा कोरोना संक्रमण देखिएको छ । कोरोनाको उपचारपछि ४३ हजार ७० जना घर फर्केका छन् । यस्तै आगामी मे ३१ तारिखसम्मको लागि अधिकांश स्थानमा लकडाउनको घोषणा गरेको छ ।



Comment from facebook



थप खबर पढ्नुहोस्
लमजुङ्मा २२ सहित थप १०१ जनामा कोरोना संक्रमण, मृतकको संख्या ४० पुग्यो लमजुङ्मा २२ सहित थप १०१ जनामा कोरोना संक्रमण, मृतकको संख्या ४० पुग्यो

२०७७ श्रावण २ गते शुक्रबार

१७ जुलाई, २०२०काठमाडौं । लमजुङ्गमा पछिल्लो २४ घण्टामा थप...

डब्ल्यूएचओले भन्यो : ‘युद्दग्रस्त मुलुकमा फैलिएको कोरोना भयाबह बन्न सक्छ’ डब्ल्यूएचओले भन्यो : ‘युद्दग्रस्त मुलुकमा फैलिएको कोरोना भयाबह बन्न सक्छ’

२०७७ बैशाख २० गते शनिबार

०२ मे, २०२०सुडान । अफ्रिकी महादेश तथा केही युद्दग्रस्त...

लकडाउन खुकुलो : नीजि सवारी साधन जोर विजोर गरेर चल्न दिइने, पसलहरु खुल्ने, लामो दुरीका गाडी तत्काल सञ्चालन गर्न नपाईने लकडाउन खुकुलो : नीजि सवारी साधन जोर विजोर गरेर चल्न दिइने, पसलहरु खुल्ने, लामो दुरीका गाडी तत्काल सञ्चालन गर्न नपाईने

२०७७ जेठ २८ गते बुधबार

१० जुन, २०२०काठमाडौं । कोरोना भाइरसको संक्रमणका कारण मुलुकभर...

नेपालमा ‘लकडाउन’ : बैशाख ५ पछि पनि थपिने सम्भावना नेपालमा ‘लकडाउन’ : बैशाख ५ पछि पनि थपिने सम्भावना

२०७६ चैत्र २९ गते शनिबार

११अप्रिल, २०२० काठमाडौं । कोरोना संक्रमण रोक्नका लागि सरकारले...

Top