देशभर कोरोनाबाट ज्यान गुमाउनेको संख्या १५ सय नाघ्यो

Best Khabar Team | २०७६ पुष २७ गते आइतबार

०१ डिसेम्बर, २०२०
काठमाडौं । देशभर विगत २४ घण्टायता थप १३ हजार ४ सय जनामा कोरोना संक्रमण देखिएको छ । स्वस्थ्य मन्त्रालयले अद्यावधिक गरेको पछिल्लो तथ्यांक अनुसार पछिल्लो २४ घण्टामा देशभर थप २१ जनाले कोरोनाका कारण ज्यान गुमाएका छन् ।

योसँगै कोरोनका कारण ज्यान गुमाउनेको संख्या १ हजार ५ सय २९ पुगेको छ। यस्तै, हालसम्म कोरोना संक्रमितको संख्या २ लाख ३३ हजार ४ सय ५२ पुगेको छ भने २ लाख १६ हजार ५ जना कोरोना मुक्त भएका छन् । २४ घण्टा यता थप २ हजार ७३ जना डिस्चार्ज भएका छन् ।

यसैबीच, काठमाडौं उपत्यकामा पछिल्लो २४ घण्टायता थप ५ सय ३० जनामा कोरोना भाइरसको संक्रमण देखिएको छ । संक्रमितमध्ये २ सय ४० महिला र २ सय ९० जना पुरुष रहेको स्वास्थ्य मन्त्रालयले जनाएको छ । संक्रमितमध्ये भक्तपुरमा ३६, काठमाडौंमा ४ सय ९ र ललितपुरमा ८५ जना संक्रमित थपिएको मन्त्रालयले जनाएको छ ।

Comment from facebook