समुदायमा कोरोना फैलिएको आशंका गर्दै धरानमा फेरि लकडाउनको घोषणा

Best Khabar Team | २०७७ श्रावण २१ गते बुधबार

०५ अगस्ट, २०२०
इनरुवा, सुनसरी । समुदायमा कोरोना भाइरस फैलिएको आशंकासहित सुनसरी जिल्लामा अवस्थित पूर्वी नेपालकै चर्चित मानिएको धरानमा आजदेखि कम्तीमा १ साताका लाग फेरि लकडाउन घोषणा गरिएको छ । विगत केहीदिनयता भेटिएका कोरोना संक्रमितको अवस्था हेर्दा र उनीहरुको ‘हिस्ट्री’ले कोरोना एक व्यक्तिबाट अर्को व्यक्तिमामा (समुदायस्तरमै ) सरेको अनुमान गर्दै फेरि लकडाउन घोषणाा गरिएको हो ।

लकडाउनको घोषण गर्नुअघि धरान उपमहानगरपालिकाले सरोकारवालाहरुसँग पुनः लकडाउन गर्ने नगर्ने विषयमा विषयमा छलफल गरेको थियो । तर छलफलमा सहभागी सरोकारवालाहरुले समुदायमा कोरोना फैलिएको आशंका गर्दै कम्तीमा १ साताका लागि फेरि लकडाउन गर्नुपर्ने सुझाव दिएका थिए । सो सुझावलाई मध्यनजर गर्दै उप महानगरपालिकाले आज राति १२ बजेदेखि लागूहुने गरी लकडाउनको घोषणा गरेको हो ।

लकडाउनका बेला अत्यावश्यकीय सेवामा रहेका व्यक्ति तथा सवारी साधन बाहेक अन्य सञ्चालन गर्न नपाइने उपमहानगरपालिकाले जनाएको छ । लकडाउन घोषणा गरेसँगै परीक्षणको दायरा बढाउने तयारी पनि भै रहेको बताइएको छ ।

Comment from facebook