काठमाडौं, धादिङ् र जनकपुरका गरी थप ३ जनामा कोरोना : देशभर संक्रमित हुनेको संख्या २४९ पुग्यो

Best Khabar Team | २०७७ जेठ १ गते बिहिबार

१४ मे, २०२०
काठमाडौं । काठमाडौं, धादिङ्ग र जनकपुरमा गरी थप तीनजनामा कोरोना संक्रमण देखिएको छ । स्वास्थ्य तथा जनसंख्या मन्त्रालयले दिएको जानकारी अनुसार काठमाडौंको दहचोक बस्ने ७ वर्षका बालक, धादिङ्गकी ३० वर्षकी महिला र जनकपुरधाम धनुषा जिल्लाकी १७ वर्षकी युवतीमा कोरोना संक्रमण देखिएको हो ।

आज काठमाडौंमा रहेको राष्ट्रिय जनस्वास्थ्य प्रयोगशालामा गरिएको परीक्षणका क्रममा साँझ आएको रिपोर्टमा उनीहरु तीनै जनामा कोरोना संक्रमण पुष्टि भएको मन्त्रालय स्रोतले जानकारी दिएको छ । संक्रमित तीनैजनालाई अस्पतालको आइसोलेसनमा राखेर उपचार थालिएको हो । उनीहरुको अवस्था सामान्य रहेको छ ।

यो सँगै देशभर कोरोना संक्रमितको संख्या २ सय ४९ पुगेको छ भने ३५ जना उपचारपछि घर फर्केका छन् ।

Comment from facebook