hi himalaya nepal

भारतमा कोरोनाको दोश्रो लहर शुरु, कतिपय शहरमा कर्फ्यू, नेपालीहरु धमाधम फर्कँदै

Best Khabar Team | २०७७ चैत्र ११ गते बुधबार


२४ मार्च, २०२१
नयाँदिल्ली, भारत । भारतमा कोरोना भाइरस संक्रमणको दोश्रो लहर शुरु भएको छ । कोरोना भाइरस संक्रमणको पहिलो लहरबाट नराम्ररी प्रभावित भारतले केही दिनयता फेरि कोरोनाकै दोश्रो चरणको सामना गर्न शुरु गरेको छ । भारतीय सञ्चारमाध्यमहरुका अनुसार भारतका एक दर्जन बढी शहरमा अहिले कोरोना भाइरसको प्रकोप देखिएको छ ।

ती शहरहरुमा कोरोना भाइरसको परिवर्तित स्वरुपका विरामीहरु समेत देखिन थालेका छन् । बेलायत तथा कतिपय अफ्रिकी मुलुकहरुमा देखिएका कोरोना भाइरसका परिवर्तित स्वरुपका विरामीहरुसमेत देखिन थालेपछि भारत सरकारले आवश्यक सुरक्षा सावधानी अपनाउन शुरु गरेको छ । भारतको राजस्थानका कतिपय शहरी क्षेत्रमा यहाँको प्रदेश सरकारले रात्रीकालीन कर्फ्यूको घोषणा गरेको छ । कर्फ्यूको समयमा रात्रीकालिन व्यवसायहरु सञ्चालनमा पूर्णरुपमा रोक लगाइएको छ । जसका कारण मजदुरी गरेर जीबनयापन गर्नेहरु समस्यामा परेका छन् । यस्तै भारतका मुम्बई, दिल्ली, पन्जाब, गोआलगायतका शहरमा पछिल्लो केहीदिनयता कोरोना संक्रमितको संख्या ह्वात्तै बढ्न थालेको छ ।

जसका कारण ती शहरहरुमा अहिले बढी मानिसहरु भेला हुने तथा रात्रीकालिन अवस्थमा सञ्चालन हुने व्यवासयहरुलाई रोक लगाइएको छ । यस्तै महाराष्ट्रमा पनि कोरोना संक्रमितहरुको संख्या बढ्न थालेको छ । भारतीय सुरक्षा अधिकारीहरुले आम नागरिकहरुलाई सुरक्षाका मापदण्ड अपनाउनका लागि अनुरोध गरेको छ । मंगलबारको २४ घण्टे तथ्यांक अनुसार भारतमा मंगलबार भारतमा ४७ हजार २ सय ६४ जनामा कोरोना संक्रमण देखिएको छ । सोही अवधिमा २ सय ७७ जनाको कोरोनाका कारण ज्यान गएको छ ।

यसैबीच, भारतका कतिपय शहरमा कोरोना भाइरसका संक्रमितको संख्या बढ्न थालेपछि मजदुरीका लागि भारत गएका नेपालीहरु धमाधाम स्वदेश फर्कन थालेका छन् । कोरोना भाइरसको संक्रमण बढ्न थालेपछि रोजगारीका लागि भारतमा पुगेका नेपाली कामदारहरु धमाधम फर्कन थालेका छन् । विशेषगरी कैलाली र कञ्चनपुरको सीमा नाका गौरीफन्टाबाट हिजोआज दैनिक हजारौंको संख्यामा नेपाली मजदुरहरु कोरोनाको जोखिम बढेको भन्दै नेपाल फर्कन थालेका हुन् । सिमावर्ती नाका त्रिनगर र गड्डाचौकीबाट पनि दैनिक एक हजारको हाराहारीमा नेपाली नेपाल फर्कन थालेको सिमा प्रहरीको तथ्यांकमा उल्लेख छ ।



Comment from facebook



थप खबर पढ्नुहोस्
सर्वोच्चले सरकारलाई भन्यो :  जोखिममा रहेका नेपालीको तत्काल उद्दार गर सर्वोच्चले सरकारलाई भन्यो : जोखिममा रहेका नेपालीको तत्काल उद्दार गर

२०७७ बैशाख ४ गते बिहिबार

१६ अप्रिल २०२० काठमाडौं । विश्वका विभिन्न देशमा जोखिमपूर्ण...

कोरोना सन्त्रास : उपत्यका बाहेक दोश्रो जिल्लामा जाने सबै सवारी पास रद्द (गृहमन्त्रालयकाे परिपत्र सहित) कोरोना सन्त्रास : उपत्यका बाहेक दोश्रो जिल्लामा जाने सबै सवारी पास रद्द (गृहमन्त्रालयकाे परिपत्र सहित)

२०७७ बैशाख ३० गते मंगलबार

१२ मे, २०२०काठमाडौं । सरकारले कोरोना भाइरस (कोभिड १९)...

देशैभरी माघेझरी, हिमाली जिल्लामा हिमपात, आइतबारदेखि मौसममा सुधार आउने देशैभरी माघेझरी, हिमाली जिल्लामा हिमपात, आइतबारदेखि मौसममा सुधार आउने

२०७६ माघ ३ गते शुक्रबार

१७ जनवरी, २०२०काठमाडौं । पश्चिमी बायुको न्यून चापीय प्रणाली...

कोरोनाको संक्रमणबाट नेपाललाई जोगाउन सरकारले ग-यो समिति गठन कोरोनाको संक्रमणबाट नेपाललाई जोगाउन सरकारले ग-यो समिति गठन

२०७६ फाल्गुन १७ गते शनिबार

२९ फ्रेब्रुअरी, २०२०काठमाडौं । विश्वव्यापीरुपमा प्रकोप बन्दै गएको कोरोना...

Top