नेपालमा पहिलो पटक कोरोनाका कारण एकैदिन ६ जनाको मृत्यु

Best Khabar Team | २०७७ बैशाख २६ गते शुक्रबार

०५ अगस्ट, २०२०
काठमाडौं । नेपालमा पहिलो पटक कोरोनाबाट २४ घण्टाभित्र ६ जनाको ज्यान गएको छ । स्वास्थ्य तथा जनसंख्या मन्त्रालयले आज गरेको पत्रकार सम्मेलनमा दिइएको जानकारी अनुसार काठमाडौं उपत्यकामा एकसहित देशका विभिन्न जिल्लामा गरी ६ जनाको ज्यान गएको छ । योसँगै नेपालमा कोरोनाका कारण ज्यान गुमाउनेको संख्या ६० पुगेको छ ।

काठमाडौं, पर्सा, मोरङ्ग र सप्तरीमा गरी ६ जनाको ज्यान गएको मन्त्रालयले जनाएको छ । काठमाडौंको हलचोकस्थित सशस्त्र प्रहरी अस्पतालमा उपचारका क्रममा एक महिलाको ज्यान गएको छ । पर्सामा ४६ वर्षीयका एक पुरुष र १८ वर्षकी एक युवतीको ज्यान गएको हो । यस्तै आजमात्रै मोरङ्गमा कोरोनाका कारण २ जनाको ज्यान गएको छ । मोरङ्गस्थित कोशी अञ्चल अस्पतालको आइसोलेसनमा उपचार गराइरहेका विराटनगर महानगरपालिका ४५ वर्षका एक पुरुषको उपचारका क्रममा ज्यान गएको हो ।

यता मोरङ्गकै रंगेली नगरपालिका(८ का ४५ वर्षका अर्का एक युवकको पनि कोरोनाकै कारण ज्यान गएको छ । यता सप्तरीमा पनि कोरोनाबाट एक पुरुषको ज्यान गएको छ । राजविराजमा रहेको गजेन्द्र नारायण अस्पतालमा उपचारका क्रममा रहेका ४५ वर्षका ती युवकको आज निधन भएको हो । उनी एक महिला अघिमात्रै मलेसियाबाट नेपाल फर्केका थिए । यसैबीच काठमाडौं उपत्यकामा ६२ जनासहित मुलुकभर थप ३ सय ८१ जनामा कोरोना संक्रमण पुष्टि भएको स्वास्थ्य मन्त्रालयले जनाएको छ । यस्तै पछिल्लो २४ घण्टामा १ सय ३० जना डिस्चार्ज भएर घर फर्केका छन् ।