कोरोना संक्रमितको संख्या १२१२ पुग्यो, २४ घण्टामा १७० नयाँ संक्रमित थपिए

Best Khabar Team | २०२६ पुष १७ गते बिहिबार

२९ मे, २०२०
काठमाडौं । देशका विभिन्न स्थानमा थप १ सय ७० जना कोरोना संक्रमित भेटिएसँगै देशभर संक्रमितको संख्या १२ सय नाघेको छ । स्वास्थ्य तथा जनसंख्या मन्त्रालयले आज दिएको जानकारी अनुसार देशका विभिन्न जिल्लामा पछिल्लो २४ घण्टामा १ सय ७० जनामा कोरोना संक्रमण पुष्टि भएको छ । योसँगै देशभर कोरोना संक्रमितको संख्या १ हजार २ सय १२ पुगेको छ । ती मध्ये ६ जनाको ज्यान गै सकेको छ भने १ सय ९५ जनाको उपचार सफल भएको छ ।

आज प्रदेशनम्बर २ को रौतहटमा ५६ जनामा कोरोना संक्रमण देखिएको छ । यस्तै, कपिलबस्तुमा ५१ जना दाङ्मा ९, झापामा २८ जनामा, पश्चिम नेपालको बाँकेका १० जनामा, पर्सामा ५, बारामा ४, सर्लाहीमा ५, सप्तरीमा ४, नवलपरासी पूर्वमा २, दाङ्मा २ जनामा कोरोना संक्रमण पुष्टि भएको हो । यता म्याग्दीमा १ र रुपन्देहीमा १ जना गरी कुल १ सय ७० जना नयाँ संक्रमित थपिएका छन् । सरकारले पछिल्ला दिनहरुमा नेपाल भारत सिमावर्ती क्षेत्रबाट भारतमा रहेका नेपालीहरुलाई नेपाल ल्याउन शुरु गरेसँगै संक्रमितको संख्या पनि ह्वात्तै बढेको छ ।