रहेनन् विश्वकै होचा व्यक्तिको रुपमा गिनिजबुकमा नाम लेखाउने खगेन्द्र

Best Khabar Team | २०२६ पुष १७ गते बिहिबार

१७ जनवरी, २०२०
पोखरा । विश्वकै होचा व्यक्तिको रुपमा १० वर्षअघि विश्व रेकर्ड राख्न सफल बाग्लुङ्गका खगेन्द्र थापामगरको निधन भएको छ । मुटुसम्बन्धी समस्याबाट पीडित थापामगरको उपचारको क्रममा आज दिउँसो पोखराको मणिपाल अस्पतालमा निधन भएको हो ।

पछिल्लो समय खगेन्द्र पोखरा बस्दै आएका थिए । उनको स्वास्थ्यमा समस्या देखिएपछि अस्पतालको आइसियुमा राखेर उपचार थालिएको भएपनि उनलाई बचाउन नसकिएको चिकित्सकरुले जनाएका छन् । उनलाई निमोनियासमेत भएको अस्पतालले जनाएको छ ।

२०६७ सालमा ६७ दशमवल ०८ सेन्टिमिटर उचाईसहित विश्वकै होचा व्यक्तिको रुपमा खगेन्द्रले गिनिज बुकमा नाम लेखाएका थिए । उनको भोलि बौद्ध परम्पराअनुसार पोखरामै अन्येष्टि गरिने खगेन्द्र थापा मगर प्रतिष्ठानका अध्यक्ष मीनबहादुर राना मगरले बेष्टखबर डटकमलाई जानकारी दिए ।