काठमाडौं उपत्यकामा ६ सहित एकैदिन कोरोनाका ६ सय ७१ नयाँ संक्रमित थपिए

Best Khabar Team | २०७७ असार ४ गते बिहिबार

१८ जुन, २०२०
काठमाडौं । काठमाडौं उपत्यकामा ६ जनासहित पछिल्लो २४ घण्टामा देशभर ६ सय ७१ जना कोरोना संक्रमित थपिएका छन् । स्वास्थ्य तथा जनसंख्या मन्त्रालयले दिएको जानकारी अनुसार उपत्यकाको भक्तपुरमा ३ जना ललितपुरमा २ जना र काठमाडौंमा एकजनामा कोरोना संक्रमण देखिएको छ ।

काठमाडौं बाहेक गण्डकी प्रदेश, दुई नम्बर प्रदेश, सुदुरपश्चिम प्रदेशलगायतका प्रदेशअन्र्तगतका विभिन्न जिल्लामा कोरोना संक्रमित भेटिएका हुन् । आज गण्डकी प्रदेशमा पर्ने मनाङ्गमा पहिलो पटक कोरोना संक्रमण देखिएको छ । चामे गाउँपालिकामा कार्यरत कपिलबस्तु स्थायी घर भएका एक कर्मचारीमा कोरोना संक्रमण देखिएको हो । योसँगै देशभर कोरोना संक्रमितको संख्या ७ हजार ८ सय ४८ पुगेको छ । यस्तै देशभरबाट १ हजार १ सय ८६ जना उपचारपछि घर फर्केका छन् भने २२ जनाको कोरोना संक्रमणबाट ज्यान गएको छ ।

पछिल्लो केही दिनयता भारतबाट नेपालमा आउनेहरुको संख्या बढेसँगै सरकारले कोरोनाको परीक्षणपनि बढाएको छ । जेठको पहिलो सातादेखि भारतबाट नेपाल आउने नेपालीहरुलाई विभिन्न नाकाबाट उद्दार गरेर क्वारेन्टाइनमा राखिँदै आएको छ ।

Comment from facebook