अमेरिकाको टेक्सासमा नेपाली बालक गाडिभित्रै मृत भेटिए

Best Khabar Team | २०७६ असार १९ गते बिहिबार

०४ जुलाई, २०१९
टेक्सास । अमेरिकाको टेक्सास राज्यमा परिवासँग बसोबास गर्दै आएका एक नेपाली बालक मृत भेटिएका छन् । टेक्ससको डेन्टन सहरमा बस्दै आएका सञ्जय गुरुङ्गका २ वर्षका छोरा मृत अवस्थामा गाडिभित्र भेटिएको त्यहाँस्थित नेपाली समुदायले जानकारी दिएका छन् ।

उनी मङ्गलबारदेखि हराईरहेको बताइएको छ । २ वर्षका बालक सर्बेस गुरुङ आफ्नै अपार्टमेन्टबाट हराइरहेका थिए । पार्किङ्गमा राखिएको सेतो रङ्गको गाडी भित्र उनको शव भेटिएको प्रहरीले पत्रकार सम्मेलनमा जानकारी गराएको छ । घटना किन र कसले घटायो भन्ने विषयमा प्रहरीले अनुसन्धान अघि बढाएको छ ।

हराईरहेको छोरा मृत भेटिएको खबर सार्वजनिक भएपछि उनकी आमा सुनिता बेहोस भएकी छिन् । उनको स्थानीय अस्पतालमा उपचार भै रहेको छ । मृतकका बाबु सञ्जय गुरुङ्ग स्थानीय युनिभर्सिटी अफ नर्थ टेक्सासबाट विद्याबारिधी गरिरहेका छन् ।

Comment from facebook