अमेरिकाको क्यालिफोर्नियामा शक्तिशाली भूकम्प

Best Khabar Team | २०७६ बैशाख २४ गते मंगलबार

०५ जुलाई, २०१९
क्यालिफोर्निया । अमेरिकाको क्यालिफोर्नियामा गएराति गएको भूकम्पले स्थानीयलाई झस्काईदिएको छ । भूकम्पपछि पनि नियमित रुपमा पकारम्पनहरु गै रहेका छन् । अमेरिकको क्यालिफोर्नियामा गएको यो करिब २० वर्षयताकै ठूलो भूकम्प भएको अधिकारीहरुको भनाई छ । अमेरिकाको एन्जलसबाट करिब साढे २ सय किलोमिटर उत्तरपूर्वमा रहेको रिजक्रेस्ट नगरलाई केन्द्रबिन्दु बनाएर गएको भूकम्प ६ दशमलव ४ रेक्टर स्केलको भएको बताइएको छ ।

भूकम्पपछि क्यालिफोर्नियाको एक घरभित्र छरपस्ट सामान । तस्वीर साभार : स्काई न्यूज

भूकम्पका कारण कतिपय स्थानमा आगो लागेको छ । आगोलागी स्थानीय बारुणयन्त्रले नियन्त्रणमा लिएको छ । भूकम्पको धक्का २० सेकेन्डसम्म रहेको थियो । क्यालिफोर्नियामा गएको भूकम्पको झड्का नेभादा राज्यको लास भेगास राज्यसम्म अनुभव गरिएको थियो । भूकम्पपछि सुरक्षा सावधानी अपनाउन अधिकारीहरुले स्थानीयलाई आग्रह गरेका छन् ।

राष्ट्रिय भूकम्प सुरक्षा निकायले भने भूकम्पपछि आउने कतिपय पराकम्पनहरु ठूलो हुनसक्ने भन्दै सावधानीका साथ बस्न स्थानीयहरुलाई आग्रह गरेका छन् । भूकम्पले पु-याइएको क्षति भने सार्वजनिक भएको छैन ।