उत्तरी छिमेकी मुलुक चीनका राष्ट्रप्रमुख केहीबेरमा नेपाल आउँदै

Best Khabar Team | २०७६ मंशिर २४ गते मंगलबार

१२ अक्टोबर, २०१९
काठमाडौं । नेपालको उत्तरी छिमेकी मुलुक चीनका राष्ट्रपति सी जिनपिङ नेपाको राजकीय भ्रमणका लागि केहीबेरपछि काठमाडौं आइपुग्दै हुनुहुन्छ । उहाँ चिनियाँ सेनाको विशेष विमानबाट काठमाडौंस्थित त्रिभुवन अन्र्तराष्ट्रिय विमानस्थलमा अवतरण गर्नुहुने कार्यक्रम छ । चिनियाँ राष्ट्रपति सि नेपालमा रहँदा राष्ट्रपति विद्यादेवी भण्डारी, प्रधानमन्त्री केपी शर्मा वली, काँग्रेस सभापति शेरबहादुर देउवालगायसँग भेटवार्ता गर्ने कार्यक्रम रहेको छ ।

फाइल तस्वीर चिनियाँ राष्ट्रपति सी जिनपिङ

आजै साँझ उहाँको सम्मानमा राष्ट्रपति विद्यादेवी भण्डारीले राष्ट्रपति भवनमा रात्रिभोज कार्यक्रम आयोजना गर्नुभएको छ । उहाँ काठमाडौं आएपछि केहीबेरको आरामपछि रात्रि भोजमा सहभागी हुनुहुने छ । चिनियाँ राष्ट्रपति सी नेपाली समकक्षी विद्यादेवी भण्डारीको निमन्त्रणमा काठमाडौं आइपुग्नुभएको हो । भारत भ्रमण रहेका चिनियाँ राष्ट्रपति भारतको भ्रमण पुरा गरी त्यतैबाट नेपाल आइपुग्नुभएको हो ।

भोलि बिहान चिनियाँ राष्ट्रपति नेतृत्वको चिनियाँ टोली र प्रधानमन्त्री केपी शर्मा ओली नेतृत्वको नेपाली टोलीबीच भोलिबिहान भेटवार्ता हुने कार्यक्रम छ । भेटवार्ता लगत्तै केही महत्वपूर्ण दुईपक्षीय सम्झौतापत्रमा हस्ताक्षर हुने कार्यक्रम छ । सि को नेपाल भ्रमणलाई मध्यनजर गर्दै काठमाडौं उपत्यकाको सुरक्षा व्यवस्था कडा पारिएको छ ।