अमेरिका छि-यो कोरोना भाईरस, एक अमेरिकी युवकमा कोरोनाको संक्रमण

Best Khabar Team | २०२६ पुष १७ गते बिहिबार

२२ जनवरी, २०२०
वासिङ्गटन् । अमेरिकाको वासिङ्गटन राज्यमा एक अमेरिकी नागरिकमा कोरोना भाईरस भेटिएपछि उनलाई अस्पतालमा उपचारार्थ भर्ना गरिएको छ । केही समयअघि चीनको बुहान राज्य बसेर फर्किएका युवकमा कोरोना भाईरसको संक्रमण भेटिएपछि उनलाई उपचारको लागि स्थानीय अस्पतालमा भर्ना गरिएको हो ।

३० वर्षका ती पुरुष करिब २ साता चीनको बुहान प्रान्तमा घुम्नको लागि गएका थिए । त्यहाँबाट फर्किएलगत्तै उनमा कोरोना भाईरसको संक्रमण देखिएको हो । कोरोना भाईरसका कारण अहिलेसम्म चीनमा एक दर्जन बढी मानिसको ज्यान गै सकेको छ । भाइरसको प्रकोप हाल जापान, कोरियालगायतका मुलुकमा समेत देखिएपछि सावधानी अपनाईको छ ।

नेपालमा पनि केहीसमयअघि चीनबाट फर्केका एक युवकमा कोरोना भाईरस भेटिएपछि ती युवकको उपचार शुक्रराज ट्रपिकल तथा सरुवा रोग केन्द्रमा भै रहेको छ । चीनको बुहान प्रान्तमा यो रोगले संक्रमणको रुप लिएपछि अहिले विश्वभर यसको त्रास बढेको छ ।