चिनियाँ राष्ट्रपतिको नेपाल भ्रमणका क्रममा २० बुँदे सहमति

Best Khabar Team | २०२६ पुष १७ गते बिहिबार


१४ अक्टोबर, २०१९
काठमाडौं । चिनियाँ राष्ट्रपति सि जिनपिङको नेपाल भ्रमणका क्रममा नेपाल र चीन बीच बुँदामा सहमति भएको छ । प्रधानमन्त्री केपी शर्मा ओली र चिनियाँ राष्ट्रप्रमुख सिको उपस्थितिमा दुईपक्षबीच बीस बुँदे सहमति पत्रमा हस्ताक्षर भएको हो ।

चिनियाँ पक्ष र नेपालीपक्षबीच समझादारी पत्रमा हस्ताक्षर भएपछि ।

दुई पक्षबीच भएको औपचारिक वार्तापछि दुबै पक्षले सहमति पत्रमा हस्ताक्षर समेत गरेका छन् । वार्तामा चिनियाँ टोलीको नेतृत्व चिनियाँ राष्ट्रपति सि र नेपालका तर्फबाट सरकार प्रमुख ओलीले नेपाली टोलीको प्रतिनिधित्व गर्नुभएको थियो । सो वार्ताका क्रममा नेपाल चीनबीचको सदियौं देखिएको सम्बन्ध, दुई देशबीच गर्नसकिने सहयोग आदानप्रदालगायत सर्वपक्षीय हितका विषयमा छलफल भएको बताइएको छ ।

वार्तापछि १८ समझदारीपत्र र दुई लेटर अफ एक्सचेञ्जमामा हस्ताक्षर भएको परराष्ट्र श्रोतले जानकारी दिएको छ । त्यसलगत्तै दुबै देशका परराष्ट्रमन्त्री, अर्थसचिव, गृह, परराष्ट्रसचिवलगायत सम्बन्धित मन्त्रालयका सचिव एवं नेपालका लागि चिनियाँ राजदूतले समझदारी पत्र एक आपसमा आदानप्रदान गरेका थिए । परराष्ट्र स्रोतका अनुसार दुईदेशबीचको समझदारी पत्रमा निम्न लिखित बुँदामा सहमति भएकोछ ।

१.सीमा व्यवस्थापन प्रणालीको लागि सम्झौता

२. सुशासन क्षमता बृद्धिका लागि समझदारी

३. अपराध सम्बन्धी आपसी कानुनी सहायताको लागि सम्झौता

४. सगरमाथा संरक्षणको लागि समन्वय गर्न समझदारी

५.राष्ट्रिय योजना आयोग र चीनको राष्ट्रिय विकास तथा सुधार आयोगबीच लगानीका प्रमुख परियोजनाको प्रवर्द्धन र उत्पादनमूलक क्षमतामा समन्वयनको लागि समझदारी।

६. चीनको छेन्दुमा नेपालको कन्सुलेट जेनेरल राख्नको लागि नोट आदानप्रदान।

७. चीन–नेपाल अन्तरदेशीय रेल परियोजनाको सम्भाव्यता अध्ययनको लागि भौतिक पूर्वाधार तथा यातायात मन्त्रालय र चीनको यातायात मन्त्रालयबीच समझदारी।

८. काठमाडौं महानगरपालिका र चीनको नानजिङ सिटीबीच भगिनी सम्बन्ध स्थापना गर्ने सहमति।

९. बुटवल उपमहानगरपालिका र चीनको जियाङ सिटीबीच भगिनी सम्बन्ध स्थापनाको सहमति।

१०. परम्परागत औषधि सम्बन्धी सहकार्यको लागि स्वास्थ्य मन्त्रालय र चीनको राष्ट्रिय परम्परागत औषधि प्रशासनबीच समझदारी।

११. विपद् जोखिम न्यूनीकरण र आपत्कालिन सहायताको लागि गृह मन्त्रालय र चीनको आपत्कालिन व्यवस्थापन मन्त्रालयबीच समझदारी।

१२. महान्यायाधीवक्ता कार्यालय र चीनको सुप्रिल पिपुल्स प्रोक्युरेटर्सबीच समझदारी।

१३. त्रिभुवन विश्वविद्यालय र चीनको कन्फ्युसियस हेडक्वार्टरबीच त्रिभुवन विश्वविद्यालयमा कन्फ्युसियस ईन्स्टिच्युट स्थापनाको लागि सम्झौता।

१४. नेपालबाट चीनमा सुन्तलालगायत फलफूल निर्यातको लागि आवश्यक प्रोटोकल

१५. व्यापार सम्बन्धी संयुक्त कार्यदल स्थापनाको लागि उद्योग मन्त्रालय र चीनको वाणिज्य मन्त्रालयबीच समझदारी।

१६. नेपालमा चाइना एड अर्थक्वेक मनिटरिङ नेटवर्क प्रोजेक्टको लागि स्वीकार प्रमाणपत्र।

१७. लगानी समन्वय कार्यदल स्थापनाको लागि अर्थ मन्त्रालय र चीनको वाणिज्य मन्त्रालयबीच समझदारी।

१८. सुरुङ निर्माण समन्वयको लागि अर्थ मन्त्रालय र चीनको अन्तर्राष्ट्रिय विकास निकायबीच समझदारी।

१९. सीमा सुरक्षा उपकरण र कार्यालय उपकरणको लागि पत्र आदानप्रदान।

२०. काठमाडौं उपत्यकाको पानी वितरण सुधार परियोजनाको बैठकको माइन्युट।

वार्तालगत्तै राष्ट्रपति सी र प्रधानमन्त्री ओलीको उपस्थितिमा चीन र नेपालबीच गृह, परराष्ट्र, भौतिक पूर्वाधार तथा यातायात, कृषि तथा पशुपन्छी विकास, उद्योग वाणिज्य तथा आपूर्ति मन्त्रालय, काठमाडौँ महानगरपालिकालगायत सरकारी निकायसँग साझेदारी गर्नेसम्बन्धी समझादारी पत्रमा हस्ताक्षर गरेका थिए ।



Comment from facebook



थप खबर पढ्नुहोस्
युरोपेली मुलुक स्पेनका गुरुङ्ग समुदायले मनाए पनि मनाए तमुल्होसार युरोपेली मुलुक स्पेनका गुरुङ्ग समुदायले मनाए पनि मनाए तमुल्होसार

२०२६ पुष १७ गते बिहिबार

३१ डिसेम्बर, २०१९ मड्रिड । नेपालका गुरुङ समुदायले आज...

संक्रमित थपिँदै जाँदा  ब्राजिल बन्यो विश्वकै दोश्रो धेरै कोरोना संक्रमित देश संक्रमित थपिँदै जाँदा ब्राजिल बन्यो विश्वकै दोश्रो धेरै कोरोना संक्रमित देश

२०२६ पुष १७ गते बिहिबार

२६ मे, २०२०साउ पाउलो । कोरोना भाइरस (कोभिड १९)...

भारतमा तेश्रोपटक फेरि थपियो ‘लकडाउन’ भारतमा तेश्रोपटक फेरि थपियो ‘लकडाउन’

२०७६ पुष २० गते आइतबार

०१ मे, २०२०उत्तरप्रदेश । भारतमा पछिल्ला दिनमा कोरोना संक्रमितको...

नेपालमा चिनियाँ प्रभाव बढेको अमेरिकी ठहर (प्रतिवेदनसहित) नेपालमा चिनियाँ प्रभाव बढेको अमेरिकी ठहर (प्रतिवेदनसहित)

२०२६ पुष १७ गते बिहिबार

२४ अक्टोबर, २०१९ वासिङ्गटन डिसी । चिनियाँ राष्ट्रपति सि...

Top