पहिलोपटक कपिलबस्तुमा पनि भेटिए २ कोरोना संक्रमित, कोरोना संक्रमितको संख्या सय नाघ्यो

Best Khabar Team | २०७७ बैशाख २५ गते बिहिबार

०७ मे, २०२०
तौलिहवा । नेपालको कपिलबस्तु जिल्लामा पहिलो पटक कोरोना संक्रमणको विरामी भेटिएका छन् । राष्ट्रिय प्रयोगशाला टेकुमा गरिएको स्वाब परीक्षणका क्रममा कपिलबस्तुका दुई पुरुषमा कोरोना संक्रमण भेटिएको स्वास्थ्य मन्त्रालयले जनाएको छ । यो सँगै देशभर कोरोना (कोभिड १९) बाट संक्रमित हुनेको संख्या १ सय नाघेको छ ।

कपिलबस्तुमा आज थप २ जनामा कोरोना संक्रमण भेटिएसँगै कुल कोरोना संक्रमितको संख्या १ सय १ पुगेको हो । कपिलबस्तुमा १६ र २२ वर्षका दुईजना युवकमा कोरोन संक्रमण भेटिएको र उनीहरु हाल चिकित्सकको सम्पर्कमा आइसकेको बताइएको छ । संक्रमितको अवस्था सामान्य रहेको छ । नेपालमा यसअघि ९९ जनामा कोरोना संक्रमण भेटिएकोमा आज थप २ जना गरी कुल १ सय १ जनामा कोरोना सक्रमण भेटिएको छ ।

कपिलबस्तुसँगको छिमेकी जिल्ला रुपन्देहीमा भने यसअघि नै कोरोना संक्रमित भेटिएका थिए । यसैबीच वीराटनगरमा उपचाररत ८ जना कोरोना संक्रमित कोरोना मुक्त भएका छन् उनीहरुलाई अस्पतालले डिस्चार्जको तयारी गरेको छ । तर आज साँझ अबेर भएकोले भोलि बिहानै उनीहरुलाई अस्पतालबाट डिस्चार्ज गरिने अस्पताल स्रोतको भनाई छ ।