कोरोना विरुद्धको खोपको दोश्रो डोज फागुन २ बाट लगाउन शुरु गरिने

Best Khabar Team | २०७८ कार्तिक १६ गते मंगलबार

११ फेब्रुअरी, २०२१
काठमाडौं । पहिलो चरणमा कोरोना भाइरस विरुद्ध(कोभिड–१९) को खोप लगाइसकेकाहरुले आगामी फागुन २ गतेदेखि खोपको दोश्रो डोज लगाउन पाउने भएका छन् । स्वस्थ्य मन्त्रालयका अनुसार पहिलो चरणमा खोप लगाईसकेका र प्राथमिकताको सूचीमा रहेकाहरुलाई सरकारले फागुन २ गतेदेखि दोश्रो चरणको खोप लगाउन शुरु गर्न लागेको हो ।

फागुन २ गतेदेखि शुरु हुने दोश्रो चरणको खोप अभियान फागनु ८ गतेसम्म जारी रहने सरकारको भनाई छ । विशेष गरी पहिलो चरणमा खोप लगाएहरुले यसअघि खोप लगाएकै खोप केन्द्रमा पुगेर खोप लगाउन पाउने छन् । तर त्यसका लागि पहिलो डोज खोप लगाएको कार्ड भने अनिवार्य रुपमा देखाउनुपर्ने छ ।

सरकारले भारतबाट प्राप्त कोरोना विरुद्धको भ्याक्सिनको पहिलो डोज कोरोना विरुद्ध अग्रमोर्चामा खटिने स्वस्थ्यकर्मी, सेना, प्रहरी, पत्रकार, एम्बुलेन्स चालकलगायतका प्राथमिकताको सूचीको पहिलो नम्बरमा परेकाहरुलाई लगाउने काम शुरु गरिसकेको छ । दोश्रो चरणको खोपको डोज केहीदिनमै काठमाडौं आइपुग्ने भन्दै सरकारले काठमाडौं आएको खोपलाई विभिन्न प्रदेशस्थित यसअघि तोकिएका खोप केन्द्रमा पु-याउने जनाएको छ ।

खोप सम्बन्धित खोप केन्द्रमा फागुन २ भित्रै पु¥याउने तयारी सरकारले गरेको छ ।