हिमपहिरोमा पुरिएका धादिङ्का तामाङ्को शव ३ महिनापछि भेटियो

Best Khabar Team | २०२६ पुष १७ गते बिहिबार

२४ अप्रिल, २०२०
काठमाडौं । २०७६ साल माघ ३ गतेदेखि अन्र्नपूर्ण पदयात्राका क्रममा बेपत्ता भएका एकजनाको शव आज फेला परेको छ । कोरियन नागरिकसहित पोखराबाट अन्नपूर्ण आधार शिविरको पदयात्रामा निस्केका धादिङ्गका मेमबहादुर तामाङ्गको शव स्थानीय वासिन्दाले हिँकु केभनजिकै फेला पारेका हुन् ।

पदयात्राका क्रममा गएका तामाङ्गसहित अन्य एक नेपाली र ४ जना कोरियाली पर्यटक एक्कासी गएको हिमपहिरोमा परेर वेपत्ता भएका थिए । सोही घटनामा परेका एक नेपालीको शव गत महिना नै भेटिइसकेको छ । अन्नपूर्णको दक्षिणी मोहडातर्फबाट झरेको हिमपहिरोमा परेर उनीहरु गत माघ ३ गतेदेखि बेपत्ता भएको बताइएको छ । काठमाडौंको पिक गाइड नेपालबाट उनीहरुको टोली अन्नपूर्ण पदयात्रामा निस्केको थियो ।

आज शव भेटिएका पर्यटक हेल्पर तामाङ्गको घर धादिङको गंगाजमुना गाउँपालिका वडा नम्बर ११भएको बताइएको छ । उनीसँगै पदयात्रामा गएका पर्यटक सहयोगी छिरिङ्ग भोटे कोरियाली पर्यटकहरू लि मिन सु, जोङपिल बोङ, किम सोक जा र चोइ जो वोन अहिलेपनि वेपत्ता नै छन् ।