पश्चिमी बायुको प्रभाव : देशका अधिकांश स्थानमा आइतबारसम्म वर्षाको सम्भावना

Best Khabar Team | २०२६ पुष १७ गते बिहिबार

२९ मे, २०२०
काठमाडौं । स्थानीय तथा पश्चिमी बायुको संयुक्त प्रभावका कारण काठमाडौंलगायत आपसापसका जिल्लामा तीन दिनसम्म निरन्तररुपमा वर्षात् हुनसक्ने अनुमान जल तथा मौसम पूर्वानुमान महाशाखाले गरेको छ । यद्यपि अहिले अवस्थामा पश्चिमी बायुको भन्दा पनि स्थानीय बायुको प्रभाव बढी हुने समय भएको भन्दै महाशाखाले दुबै बायुको प्रभावको संयुक्त परिणाम ७२ घण्टासम्म निरन्तर रुपमा वर्षात्को सम्भावना रहेको जनाएको छ ।

**उपत्यककाको आकाश । तस्वीर : वेस्टखबर डटकम ।**

आज बिहानैदेखि उपत्यकालगायत देशका पश्चिमी र पूर्वी क्षेत्रमा हल्ला वर्षा हुनुका साथै ती क्षेत्रका आकाशमा बदली समेत भएको छ । विभागले विस्तारै वर्षायाम शुरु हुने क्रममा रहेको र नेपालको पूर्वी भूभाग नजिक बनेको निम्न चापीय रेखाका कारण मेघगर्जन, हावाहुरी चट्याङसहित वर्षा हुने अनुमान गरेको हो ।

महाशाखाले आजदेखि आइतबारसम्म पूर्वी र पश्चिमी भूभागलगायत मध्य पहाडी भूभागमा सामान्य बदली हुने र केही स्थानमा भने मेघगर्जन, चट्याङ र हावाहुरीसहित वर्षाको सम्भावना रहेको स्पष्ट पारेको छ ।