ठमेलले यसरी ग-यो पर्यटन वर्ष २०२० को स्वागत (फोटोफिचर)

Best Khabar Team | २०७६ पुष १४ गते सोमबार

३० डिसेम्बर, २०१९
काठमाडौं । नेपाल भ्रमण वर्ष २०२० औपचारिक शुरु हुन अब केही घण्टामात्रै बाँकी छ । सरकारले २० लाख पर्यटक ल्याउने लक्ष्यसहित शुरु गरेको पर्यटन भ्रमणवर्ष २०२० को पूर्वसन्ध्यामा विभिन्न स्थानमा आ–आफ्नै तवरले कार्यक्रमहरु सञ्चालन भै रहेका छन् ।

यही क्रममा काठमाडौंको पर्यटकीय नगरी ठमेलका व्यवसायीहरुले आज एक कार्यक्रम गरी पर्यटन भ्रमण वर्ष २०२० को औपचारिक स्वागत गरेका छन् । उनीहरुले काठमाडौंको ठमेलस्थित नरसिंह चोकमा नेपाल भ्रमण वर्ष २०२० को अवसरमा नरसिंह चोकमा भ्रमणवर्षको लोगो अंकित मण्डला बनाएर दीप प्रज्वलन गरी भ्रमणवर्षको स्वागत गरेका हुन् ।

उनीहरुले पर्यटकहरुलाई सेवा तथा सुविधा दिन आफूहरु तयार रहेको सन्देश समेत दिएका छन् । त्यस क्रममा ठमेल क्षेत्रमा रहेका घरधनीहरु, व्यवसायी, पर्यटन क्षेत्रमा क्रियाशील विभिन्न संघसंस्थालगायतको उपस्थित रहेको थियो । कार्यक्रममा विभिन्न झाँकीहरु समेत प्रदर्शन गरिएको थियो ।

सो कार्यक्रमको मुख्य अतिथि पर्यटन मन्त्री योगेश भट्टराई रहनुभएको थियो । उहाँले पर्यटन भ्रमणवर्ष लाई सफल पार्न पर्यटन व्यवसायीहरुको भूमिका महत्वपूर्ण हुने भन्दै त्यसका लागि सक्दो सहयोग गर्न व्यवसायीलाई आग्रह गर्नुभयो ।

Comment from facebook