पाल्पाको रानीमहल घुमेर फर्केका एकै परिवारका पाँचसहित ६ जनाको दुर्घटनामा मृत्यु (अपडेट)

Best Khabar Team | २०८० कार्तिक ५ गते आइतबार

२२ फेब्रुअरी, २०२३
तानसेन, पाल्पा । पाल्पाको ऐतिहासिक रानीमहल घुमेर फर्केका एकै परिवारका ५ जनासहित ६ जनाको जीप दुर्घटनामा मृत्यु भएको छ । जिल्ला प्रहरी कार्यालय पाल्पाले दिएको जानकारी अनुसार पूर्वी नवलपरासीको देबचुलीबाट पाल्पाको रानीमहल घुम्न निस्केका एकै परिवारका ६ जनाको आज बिहान भएको जीप दुर्घटनामा ज्यान गएको हो ।

दुर्घटनामा परी एकै परिवारका २ महिला, एक पुरुष र दुई बालकको ज्यान गएको छ । यस्तै सोही परिवारका एक आफन्तको पनि जीप दुर्घटनामा परी मृत्यु भएको छ । प्रहरीले दिएको जानकारी अनुसार नवलपरासीको देवचुली नगरपालिका वडा नम्बर १६ रजहर घर भएका ६५ वर्षका कृष्णबहादुर लोहनीसहित उनको परिवारका ६ जनाको ज्यान गएको छ । दुर्घटनामा कृष्णबहादुरकी श्रीमती पार्वती लोहनी, बुहारी सविना धिताल लोहनी नातिहरु सोबिस धिताल र अर्का एक २ वर्षका बालकको पनि ज्यान गएको छ । यस्तै कृष्णबहादुरका आफन्त चुना धितालको पनि दुर्घटनामा ज्यान गएको छ । दु

र्घटनामा परी कृष्णबहादुरका छोरा ईश्वरबहादुर लोहनी गम्भीर घाइते भएका छन् । उनको स्थानीय अस्पतालमा उपचार भै रहेको छ । दशैको बेला सपरिवार रानीमहल घुम्न निस्केका लोहनी परिवार चढेको जीप रानीमहलबाट फर्कने क्रममा स्थानीय बैकुण्ठे छाँगाको उकालोमा अनियत्रित भै बराङ्गी खोलामा खसेको थियो । दुर्घटनामा परी ६ जनाको घटनास्थलमै ज्यान गएको प्रहरीको भनाई छ ।