दशैंको फूलपातीकै दिन मुगुमा भयानक दुर्घटना : ३२ को मृत्यु केही घाइते (अपडेट)

Best Khabar Team | २०७८ आश्विन २६ गते मंगलबार


१२ अक्टोबर, २०२१
गमगढी, मुगु । बाँकेको नेपालगञ्जबाट मुगुको गमगढी आउँदै गरेको यात्रुबाहक बस छायानाथरारामा दुर्घटना हुँदा मृत्यु हुनेको संख्या ३२ पुगेको छ । जिल्ला प्रहरी कार्यालयले दिएको पछिल्लो जानकारी अनुसार घटनास्थलमा २४ जनाको मृत्यु भएपनि अन्यको भने उद्दार गरी उपचारार्थ अस्पताल लैजाने क्रममा र अस्पतालमा ज्यान गएको हो । प्रहरीले दिएको ताजा जानकारी अनुसार घटनास्थलबाट उद्दार गरी जिल्लाकै ताल्चा विमानस्थल लैजाँदै गर्दा थप ४ जनाको ज्यान गएको छ ।

दुर्घटनास्थलमा भेटिएका घाइते (माथिको तस्वीर)

यस्तै उद्दार गरिएकामध्ये थप ४ जनाको बाँकेको नेपालगञ्जस्थित भेरी अञ्चल अस्पतालमा निधन भएको बताइएको छ । सो दुर्घटनामा परी १५ जना घाइते भएका छन् । मृतक तथा घाइतेको पूर्ण सनाखत हुन सकेको छैन । भे १ ख ३१६८ नम्बरको बस नेपालगञ्जबाट दशैमा घर फर्केका गाउँलेलाई लिएर गमगढी आउँदै थियो । बस स्थानीय छायानाथरारा नगरपालिकाको वडानम्बर ७ पिनाटप्लेखोलामा दुर्घटनामा परेको थियो । बस दिउँसो करिब २ बजेतिर दुर्घटनामा परेको भएपनि दुर्घटनाको कारण खुल्न सकेको छैन । बसको टायर पञ्चर भएर बस पल्टिएको हुनसक्ने अनुमान गरिएको छ । बसमा कम्तीमा ५० यात्रु सवार रहेको बताइएको छ ।

दुर्घटनामा परेको बसबाट २ जनाले हामफालेर ज्यान जोगाएका छन् । मृतकहरु धेरैजसो मुगुको गमगढी र छिमेकी छायानाथरारा नगरपालि को रहेको बताइएको छ । दुर्घटनामा घाइते भएकाहरुको बाँकेको नेपालगञ्जस्थित भेरी अञ्चल अस्पतालमा उपचार भै रहेको छ । दशैंको फूलपातीको दिन मुगुमा भएको यो भयानक दुर्घटनापछि यतिबेला गमगढी तथा छायानाथरारा नगरपालिका शोकमा डुबेको छ ।

चाडबाडका बेला परिवारका सदस्यहरुसँगै बसेर मिठो खाने रमाइलो गर्ने बेलामा परिवारका सदस्यहरुलाई गुमाउनु पर्दा मृतकका आफन्त तथा छिमेकी शोकमग्न छन् । हाल घटनास्थलमा प्रहरीको टोली पुगेर दुर्घटनाको बारेमा सत्यतथ्य जानकारी लिने काम गरिरहेको छ । यसअघि हिजो काठमाडौंबाट भ्रमणमा आएको विद्यार्थीहरु सवार एउटा जीप कास्कीको नयाँपुल नजिकै दुर्घटना हुँदो ८ जनाको ज्यान गएको थियो ।



Comment from facebook



थप खबर पढ्नुहोस्
कोरोनाको संत्रास : चैत्र ११ देखि १७ सम्म नेपालभर अघोषित ‘कफर्यु’ कोरोनाको संत्रास : चैत्र ११ देखि १७ सम्म नेपालभर अघोषित ‘कफर्यु’

२०७६ चैत्र १० गते सोमबार

२३ मार्च, २०२०काठमाडौं । सरकारले आगामी १ साताका लागि...

पशुपतिनाथको ५६ वर्षयताको सम्पत्ति सार्वजनिक, ९ किलो सुन, सवा एक अर्ब नगद पशुपतिनाथको ५६ वर्षयताको सम्पत्ति सार्वजनिक, ९ किलो सुन, सवा एक अर्ब नगद

२०७६ जेठ २२ गते बुधबार

०५ जुन, २०१९ काठमाडौं । हिन्दुहरुको आरध्यदेव श्री पशुपतिनाथको...

थप सुन्दर बन्दै पशुपतिनाथ क्षेत्र,  छाप्रे टहरा भत्काइने थप सुन्दर बन्दै पशुपतिनाथ क्षेत्र, छाप्रे टहरा भत्काइने

२०७६ फाल्गुन ७ गते बुधबार

१९ फेब्रुअरी, २०२०काठमाडौं । हिन्दुहरुको आरध्यदेव भगवान पशुपतिनाथ क्षेत्र...

बेलायत र रुसमा केहीदिनमै कोरोना भ्याक्सिन प्रयोगमा ल्याइँदै, युरोपका अधिंकाश देशले पनि तयारी थाले बेलायत र रुसमा केहीदिनमै कोरोना भ्याक्सिन प्रयोगमा ल्याइँदै, युरोपका अधिंकाश देशले पनि तयारी थाले

२०७७ मंशिर १७ गते बुधबार

०२ डिसेम्बर, २०२०वेस्टह्याम, लण्डन । पूर्व युरोपेली मुलुक बेलायत...

Top