कोरोना भ्याक्सिन लगाएपछि २९ जनाको मृत्यु प्रकरण : नर्वे सरकारले अनुसन्धान थाल्यो

Best Khabar Team | २०२६ पुष १७ गते बिहिबार

१७ जनावरी, २०२१
ओस्लो, नर्वे । अमेरिकाको फाइजर र बायोएनटेक नामक कम्पनीले बनाएको कोरोना विरुद्धको खोप लगाएका २९ जना बृद्दबृद्धाको मृत्यु भएपछि नर्वे सरकारले विशेषज्ञहरुको सहयोगमा अनुसन्धान अघि बढाएको छ । स्वास्थ्य मन्त्रालयलगायत विज्ञेषज्ञ चिकित्सक तथा खोप विज्ञहरुले मृतकमा भएको दीर्घरोग, खोप लगाउनुअघिको उनीहरुको अवस्था र त्यसपछिको परिवर्तनलगायतका विषयमा परिवारका सदस्य तथा उपचारमा संलग्न चिकित्सकसँग जानकारी लिने बताइएको छ ।

नर्वेका विभिन्न स्थानमा कोरोना विरुद्दको पहिलो खोपको डोज लगाएका २९ जना बृद्दबृद्धाको (शनिबार बिहान ११ बजेसम्म) ज्यान गएपछि सरकाले यो विषयमा अनुसन्धान अघि बढाएको हो । कुनै रोगले विरामी परेका बृद्दबृद्दालाई कारोना विरुद्धको खोप लगाएपछि उनीहरुमा त्यसको प्रतिक्रियात्मक प्रभाव (साईड इफेस्ट) देखिएको थियो ।

विशेष गरी उमेरले ७५ नाघेका यस्ता बृद्दबृद्दामा कोरोना विरुद्धको खोप लगाएपछि जिउ चिलाउने, बान्ता हुने, ज्वरो आउनेलगायतका लक्षण देखिएको थियो । कोरोना भाइरसविरुद्धको खोप लगाएपछि मानिसको मृत्यु भएपछि यहाँका नागरिकहरुले कोरोना विरुद्धको खोपको प्रभावकारी तथा विश्वसनीयतामाथि प्रश्न उठाएपछि सरकारले यो विषयमा थप अनुसन्धान गर्ने स्पष्ट पारेको थियो ।

यसरी खोप लगाएकामध्ये ७५ वर्ष उमेर नाघेका बृद्दबृद्धामध्ये २९ जनाको आज बिहानसम्म ज्यान गएको बताइएको छ । उनीहरुले हालै कोरोना विरुद्धको खोपको पहिलो डोज लगाएका थिए । हालसम्म नर्वेमा करिब ५० हजार जनाले कोरोना विरुद्धको खोपको पहिलो डोज लगाएका छन् ।

नर्वेलगायत अधिकांश युरोपेली राष्ट्रहरुले अमेरिकी कम्पनीले विकास गेको कोरोना विरुद्धको खोप लगाउनका लागि आपत्कालीन अनुमति प्रदान गरेसँगै अधिकांश देशमा कोरोना विरुद्धको खोप लगाउने अभियान सञ्चालन भै रहेको छ ।