बेलायतबाट फर्केका एकै परिवारका ३ जनामा कोरोनाको आशंका, पाटन अस्पतालको आइसोलेसनमा भर्ना

Best Khabar Team | २०७७ बैशाख १ गते सोमबार

१३ अप्रिल, २०२०
काठमाडौं । काठमाडौंको पेप्सीकोला बस्ने एकै परिवारका तीन जनामा कोरोना संक्रमणको आशंका गरिएको छ । उनीहरुमा कोरोनासँग मिल्दोजुल्दो लक्षण देखिएपछि उनीहरु पाटन अस्पतालमा भर्ना भएका छन् ।

पेप्सीकोलाको टाउनप्लानिङ्गमा रहेको सनसिटी अपार्टमेन्टमा बस्ने एकै परिवारका श्रीमान श्रीमती र उनीहरुकी बृद्द आमालाई कोरोनाको लक्षणसँग मिल्जोजुल्दो लक्षण देखिएपछि अस्पताल भर्ना गरिएको हो । र्‍यापिड डायग्नोस्टिक टेस्ट किटमा परिक्षण गर्दा उनीहरुमा कोरोना पोजिटिभ देखिएपछि थप परीक्षणका लागि स्वाब पिसीआरका लागि टेकु अस्पताल पठाइएको छ ।

गत चैत्र पाँच गते लण्डनबाट फर्केका उनीहरु सो अपार्टमेन्टको १५ औं तलामा बस्दै आइरहेका थिए । संक्रमित देखिएकाहरुमा ८१ वर्षकी बृद्दा आमा र उनीहरुका ५८ वर्षका छोरा र ५६ वर्षकी बुहारी रहेकी छन् ।

हाल प्रहरीले उनीहरुलाई पाटन अस्पतालको आइसोलेसनमा पठाएर सो विल्डिङ्गलाई सिल गरेको छ । हाल सो क्षेत्रमा प्रहरी परिचालन गरेर सो अपार्टमेन्टलाई घेरा हालेको छ ।

Comment from facebook