ओली–प्रचण्ड नेतृत्वको नेकपा खारेजसँगै एमाले र माओवादी केन्द्रबीचको एकता संकटमा

Best Khabar Team | २०७७ फाल्गुन २३ गते आइतबार


०७ मार्च, २०२१
काठमाडौं । ऋषि कट्टेल नेतृत्वको नेपाल कम्युनिष्ट पार्टीलाई सर्वोच्च अदालतले आधिकारिक पार्टी ठहर गरेसँगै वर्तमान प्रधानमन्त्री केपी शर्मा ओली तथा पूर्व प्रधानमन्त्री पुष्पकमल दाहाल प्रचण्ड नेतृत्वको नेपाल कम्युनिष्ट पार्टी (नेकपा) खारेज भएको छ । नेपाल कम्युनिष्ट पार्टीको आधिकारिताका विषयमा परेको रिटमाथि सुनुवाई गर्दै सर्वोच्च अदालतले कट्टेल नेतृत्वको नेपाल कम्युनिष्ट पार्टीनै आधिकारिक भएको निर्णय सुनाएको हो ।

सर्वोच्च अदालतका न्यायाधीशहरु बमकुमार श्रेष्ठ र कुमार रेग्मीको संयुक्त इजालसले आज कट्टेल नेतृत्वको नेकपाको पक्षमा फैसला सुनाएको हो । सर्वोच्च अदालतको यो फैसलासँगै दाहाल र ओली अध्यक्ष रहेको नेकपाको आधिकारिकता समेत समाप्त भएको छ । कट्टेल नेतृत्वको नेपाल कम्युनिष्ट पार्टी निर्वाचन आयोगमा दर्ता भै सकेको भएपनि केपी ओली नेतृत्वको एमाले र दाहाल नेतृत्वको नेकपा माओवादीले एकीकरण गरी पार्टीको नाम नेपाल कम्युनिष्ट पार्टी राख्ने निर्णय गर्दै त्यसको लागि निर्वाचन आयोगमा निवेदन दिएका थिए ।

तर निर्वाचन आयोगमा ऋषि कट्टेल अध्यक्ष रहेको नेपाल कम्युनिस्ट पार्टी दर्ता भै सकेका कारण उनीहरुले नाम नेपाल कम्युनिस्ट पार्टी (नेकपा) राखेर आयोगमा बुझाएका थिए । लगत्तै कट्टेलले आफू नेतृत्वको नेकपा नै आधिकारिक नेपाल कम्युनिष्ट पार्टी भएको दाबीसहित सर्वोच्च अदालतमा रिट दायर गरेका थिए । सोही रिट उपर सर्वोच्च अदालतले आज सुनाएको फैसला अनुसार अब कट्टेल नेतृत्वको नेपाल कम्युनिष्ट पार्टी नै आधिकारिक भएको छ ।

सर्वोच्चको यो निर्णयसँगै नेकपा (एमाले) र माओवादी केन्द्र बीचको एकता पछि बनेको नेपाल कम्युनिष्ट पार्टी (नेकपा) खारेज भएको छ भने एकता पनि स्वतः भंग भएको छ । यदि अब माओवादी र एमालेले न्यायलयको निर्णयलाई मान्ने हो भने नेकपा केन्द्रको नेतृत्व दाहाल र एमालेको नेतृत्व ओलीले नै सम्हाल्नुपर्ने हुन्छ ।



Comment from facebook



थप खबर पढ्नुहोस्
स्पेन र पोर्चुगलमा अप्रत्यासितरुपमा विद्युत् कटौती, जनजीवन कष्टकर, रेल तथा हवाईसेवा प्रभावित स्पेन र पोर्चुगलमा अप्रत्यासितरुपमा विद्युत् कटौती, जनजीवन कष्टकर, रेल तथा हवाईसेवा प्रभावित

२०८२ बैशाख १५ गते सोमबार

२८ अप्रिल, २०२५सेन्जेन, लक्जम्बर्ग । युरोपेली मुलुक स्पेन र...

पोर्चुगलमा बिहीबार एकैदिन ३५ जना कोरोना संक्रमित थपिए, सोमबारबाट सबै शैक्षिक संस्था बन्द हुँदै, देशव्यापी रुपमा ‘हाइ एलर्ट’ जारी गरियो पोर्चुगलमा बिहीबार एकैदिन ३५ जना कोरोना संक्रमित थपिए, सोमबारबाट सबै शैक्षिक संस्था बन्द हुँदै, देशव्यापी रुपमा ‘हाइ एलर्ट’ जारी गरियो

२०७६ फाल्गुन ३० गते शुक्रबार

१३ मार्च, २०२०पोर्तिमाउ । युरोपेली मुलुक पोर्चुगलमा पछिल्लो २...

टर्की–सिरिया भूकम्प : मृतकको संख्या ३६ हजार नाघ्यो टर्की–सिरिया भूकम्प : मृतकको संख्या ३६ हजार नाघ्यो

२०७९ फाल्गुन १ गते सोमबार

१३ फेब्रुअरी, २०२३इस्तानबुल । टर्की र सिरियामा गतसाता गएको...

ट्रम्पको स्वागतका लागि भारतीय प्रधानमन्त्री मोदी नै पुगे विमानस्थल ट्रम्पको स्वागतका लागि भारतीय प्रधानमन्त्री मोदी नै पुगे विमानस्थल

२०७६ फाल्गुन १२ गते सोमबार

२४ फेब्रुअरी, २०२० नयाँदिल्ली । दुईदिने भारत भ्रमणका लागि...

अमेरिकाको टेक्सासमा नेपाली बालक गाडिभित्रै मृत भेटिए अमेरिकाको टेक्सासमा नेपाली बालक गाडिभित्रै मृत भेटिए

२०७६ असार १९ गते बिहिबार

०४ जुलाई, २०१९ टेक्सास । अमेरिकाको टेक्सास राज्यमा परिवासँग...

Top