घरमै बसेर यसरी पढ्न–पढाउन मिल्नेछ अब आफ्ना नानी बाबुहरुलाई

Best Khabar Team | २०७७ बैशाख २८ गते आइतबार

१० मे, २०२०
काठमाडौं । कोरोना भाइरस (कोभिड १९) को संक्रमण फैलन नदिन सरकारले अहिले देशव्यापी रुपमा लकडाउन जारी राखेको छ । गत चैत्र ५ गतेदेखि शुरु भएको लकडाउन आगामी जेठ ५ गतेसम्मका लागि निर्धारित गरिएको छ । तर त्यसपछि पनि तत्काल विद्यालय खुल्ने अवस्था देखिँदैन । २ महिनासम्म विद्यालय बन्द हुँदा लाखौं विद्यार्थीहरुको पठनपाठन अवरुद्ध बनेको छ । कतिपय अभिभावक विद्यालय सञ्चालन नभएर आफ्ना नानीबाबुहरुलाई घरमै राख्नुपर्दा तनावमा समेत देखिने गरेका छन् ।

अहिले सरकारले सरकारले कक्षा १ देखि १० सम्मका विद्यार्थीका लागि अनलाइनबाटै प्रभावकारी अध्ययन तथा सिकाई सामग्री उपलब्ध गराएको छ । तपाईँहरु धेरैलाई थाहा नहुनसक्छ । तर इन्टरनेटको पहुँच भएकाहरुलाई लागि सरकारले शुरु गरेको यो अनलाईन सिकाई सामग्री अत्यन्तै प्रभावकारी हुने देखिएको छ । विशेष गरी पूर्वप्राथमिक तहका विद्यार्थीदेखि कक्षा १० सम्मका विद्यार्थीलाई लक्षित गरी सार्वजनिक गरिएको सिकाई चौतारी नामक अनलाईन शिक्षण सामग्री निक्कै राम्रो र प्रभावकारी हुने शिक्षाविद्हरुको भनाई छ ।

नेपाल सरकार शिक्षा, विज्ञान तथा प्रविधि मन्त्रालय अन्तर्गतको शिक्षा तथा मानव श्रोत विकास केन्द्रले अनलाईनमा सार्वजनिक गरेको यो सिकाई प्रविधिलाई दैनिक रुपमा उपयोग गरी विद्यार्थीहरुले ज्ञानको दायरा फराकिलो पार्न सक्नेछन् । यसमा विद्यार्थीहरुलाई रमाईलोसँग पढ्नका लागि विभिन्न भिडियो सामग्री, पुस्तक, खेल सामग्री समेत राखिएको छ । जसले गर्दा बालबालिकालाई शिक्षण प्रति थप आकर्षण थपिनेछ ।

सबै विषयहरुको अँग्रेजी र नेपाली भाषामा समेत निर्देशन दिइएको छ । पूर्व प्राथमिक तहका बालबालिकाको लागि उपयोगी हुने कथा तथा सिकाई विधिहरुपनि यसमा राखिएको छ । नेपाल सरकारको यो अनुकरणीय प्रयासलाई उच्च मूल्यांकन गर्दै तपाईँ हामीले हाम्रा बालबालिकालाई सिकाउन सकिए विद्यालय बन्द भएको समयमा पनि उनीहरुको सिकाई निरन्तर जारी रहनेछ । सरकारले शुरु गरेको नयाँ सिकाई विधिको लिंक तल क्लिक गरेर हेर्न सक्नुहुनेछ ।

http://learning.cehrd.gov.np

Comment from facebook