Best Khabar Team | २०७७ श्रावण २८ गते बुधबार

---

०८ डिसेम्बर २०२०
काठमाडौं । सोलुखुम्बु जिल्लामा अवस्थित विश्वको सर्वोच्च शिखर सगरमाथाको उचाई बढेको घोषणा गरिएको छ । यसअघि ८ हजार ८ सय ४८ मिटर अग्लो सगरमाथाको उचाई दशलव ८६ मिटर थप भएको आज सरकारले सार्वजनिक गरेको छ । काठमाडौंमा नेपाल तथा चीन सरकारले संयुक्तरुपमा गरेको कार्यक्रममा दुबै देशका विज्ञहरुबाट भएको मापन कार्यक्रममा सगरमाथाको उचाई बढेको घोषणा गरिएको हो ।

नापी विभागले गरेको कार्यक्रममा नेपालका तर्फबाट परराष्ट्रमन्त्री प्रदिप ज्ञवाली र चिनियाँ विदेशमन्त्री या वाङ यीले भिडियो कन्फ्रेन्समार्फत् संयुक्तरुपमा सगरमाथाको उचाई बढेको घोषणा गरेका हुन् । सगरमाथाको उचाई नाप्नका लागि चिनियाँ तथा नेपाली पक्षले छुट्टाछुट्टै प्राविधिक परिचालन गरेको थियो । ती प्राविधिकले सगरमाथाको उचाई नापेपछि दुबै देशका सरकारलाई बुझाएको प्रतिबेदनलाई आधार मानेर सगरमाथाको नयाँ उचाई सार्वजनिक गरिएको हो ।

योसँगै अब विश्वको सर्वोच्च शिखर सगरमाथाको उचाई ८ हजार ८ सय ४८ दशमलव ८६ मिटर अग्लो भएको छ । सन् १८४९ मा पहिलोपटक सगरमाथाको उचाई मापन कार्यक्रम सम्पन्न भएको थियो ।

---

Comment from facebook