उत्तर कोरियाली राष्ट्रपति सकुशल रहेको दक्षिण कोरियाका सरकारी अधिकारीको दाबी !

Best Khabar Team | २०२६ पुष १७ गते बिहिबार


२६ अप्रिल, २०२०
सिओल । विभिन्न सञ्चारमाध्यममा आएको विभिन्न खाले समाचारहरुलाई खण्डन गर्दै दक्षिण कोरियाले उत्तर कोरियाका राष्ट्रपति किम जोङ्ग उनको स्वास्थ्य अवस्था सामान्य रहेको दाबी गरेको छ । अन्र्तराष्ट्रिय सञ्चारमाध्यम सिएनएनले उल्लेख गरे अनुसार राष्ट्रपति किमका बारेमा आएका विभिन्न खाले समाचारहरुमा कुनै सत्यता नभएको भन्दै दक्षिण कोरियाले उनी सामान्य अवस्थामा रहेको दाबी गरेको हो ।

दक्षिण कोरियाका राष्ट्रपति मून जेइनका बरिष्ठ विदेश नीति सल्लाहकार मुन चुंगको भनाई उद्दृत गर्दै सिएनएनले उल्लेख गरे अनुसार किमको स्वास्थ्य अवस्था सामान्य रहेको र उनी जीवित रहेका छन् । राष्ट्रपति किम अप्रिल १३ देखि वानसन एरियामा रहेको र उनका बारेमा आएका सबै समाचारहरु निराधार रहेको दक्षिण कोरियाको दाबी छ । केहीदिन अघि उत्तरको कोरियाको एउटा राष्ट्रिय कार्यक्रम (अर्थात् हालका राष्ट्रपतिका हजुर बुबाको जन्मदिनमा गरिएको कार्यक्रम) मा किम उपस्थित नभएपछि उनको स्वास्थ्यको विषयलाई लिएर विभिन्न खाले अड्कलबाजीहरु गर्न थालिएको थियो ।

कतिपय सञ्चारमाध्यमले उनको मृत्यु भै सकेको बताएका थिए भने कतिपयले उनको ब्रेन डेथ भएको भनेका थिए । तर उत्तर कोरियाली मिडियाले यसको बारेमा कुनै औपचारिक जानकारी सार्वजनिक गरेको छैन । राष्ट्रपति किम दिनअघि मात्रै पार्टीको एउटा पोलिटव्युरो बैठकमा सहभागी भएको दाबी दक्षिण कोरियाको समाचार माध्यमको छ । जुन अप्रिल १५ पछिको घटनाक्रम भएको बताइएको छ ।

यसअघि अमेरिकी गुप्तचर संस्थाले सार्वजनिक गरेको रिपोर्टमा अप्रिलको दोश्रो साता मुटुको शल्यक्रिया गरेका उत्तर कोरियाली राष्ट्रपति किम गम्भीर अवस्थामा रहेको उल्लेख थियो । सोही कारण उनी अप्रिल १५ को राष्ट्रिय समारोहमा सहभागी नभएको सो रिपोर्टमा जनाइएको थियो । केही सञ्चारमाध्यमले भने किम आफ्नै निवासमा रहेको भन्दै उनले प्रयोग गर्ने रेलको स्याटेलाईट तस्वीर पनि सर्वाजनिक गरेका छन् ।

गतवर्ष अमेरिकी राष्ट्रपति डोनाल्ड ट्रम्पसँग उत्तर कोरियाली भूमिमा भेटवार्ता गर्दै राष्ट्रपति किम ।

किमले धेरै ध्रुम्रपान गर्ने, ज्यादा तौल र अध्यधिक काम गर्ने शैलीका कारण उनमा मुटुजन्य समस्या भएको विभिन्न गुप्तचर संस्थाहरुले सार्वजनिक गरेको रिपोर्टमा उल्लेख छ । किमको स्वास्थ्यको विषयमा विभिन्न समाचार सार्वजनिक भएपछि चिनियाँ चिकित्सकसहितको विशेषज्ञहरुको एउटा टोली हिजोमात्रै उत्तर कोरियाको राजधानी पोङ्गयाङ्ग गएको थियो ।

उनीहरुले अहिलेसम्म किमको स्वास्थ्यको बारेमा केही बताएका छैनन् । हाल उनी आफ्नै भिल्लामा आराम गरिरहेको र उनमा कुनै समस्या भएको भन्दै दक्षिण कोरियाका राष्ट्रपतिको विदेश मामिला सल्लाहकारको भनाई उद्धृत गर्दै सिएनएनले समाचार सार्वजनिक गरेको छ ।



Comment from facebook



थप खबर पढ्नुहोस्
कोरोना संक्रमित बढ्न थालेपछि युरोपका अधिकांश देशमा फेरि लकडाउन तथा कर्फ्यू , हल्याण्डमा कर्फ्यूको विरोधमा प्रदर्शन कोरोना संक्रमित बढ्न थालेपछि युरोपका अधिकांश देशमा फेरि लकडाउन तथा कर्फ्यू , हल्याण्डमा कर्फ्यूको विरोधमा प्रदर्शन

२०२६ पुष १७ गते बिहिबार

२५ जनवरी, २०२१लिंकरोभर, बेल्जियम । कोरोना भाइरसको दोश्रो लहरले...

ट्रम्प प्रशासनले अमेरिकी नागरिकलाई क्युवा भ्रमणमा रोक लगायो ट्रम्प प्रशासनले अमेरिकी नागरिकलाई क्युवा भ्रमणमा रोक लगायो

२०७६ जेठ २३ गते बिहिबार

०६ जुन, २०१९न्यूयोर्क । छिमेकी मुलुक क्युवाको भ्रमणमा आफ्ना...

राष्ट्रिय सुरक्षा एवं गोपनियता माथि खतरा देखाउँदै क्यानडामा टिकटकमाथि प्रतिबन्ध ! राष्ट्रिय सुरक्षा एवं गोपनियता माथि खतरा देखाउँदै क्यानडामा टिकटकमाथि प्रतिबन्ध !

२०८० जेठ २० गते शनिबार

०६ मार्च, २०२३ टोरन्टो, क्यानडा । चिनियाँ कम्पनीद्वारा सञ्चालित...

तत्काल भारत छाड्न आफ्ना नागरिकहरुलाई अमेरिकी विदेश मन्त्रालयको आग्रह तत्काल भारत छाड्न आफ्ना नागरिकहरुलाई अमेरिकी विदेश मन्त्रालयको आग्रह

२०२६ पुष १७ गते बिहिबार

२९ अप्रिल, २०२१न्यूर्योक, अमेरिका । अमेरिकाले पछिल्ला दिनमा विश्वमै...

Top