पाकिस्तानका पूर्वराष्ट्रपति मुर्शरफलाई मृत्युदण्ड दिन विशेष अदालतको आदेश

Best Khabar Team | २०७६ पुष १ गते मंगलबार

१७ जुलाई, २०१९, एजेन्सी
इस्लामावाद । देशद्रोेहको मुद्दामा पाकिस्तानका पूर्वराष्ट्रपति जनरल परवेज मुशर्रफविरुद्ध मृत्युदण्डको फैसला सुनाइएको छ । स्थानीय विशेष अदालतका ३ जना न्यायशीसको बेञ्चले उहाँमाथि राज्यद्रोहको मुद्दामा मृत्युदण्डको फैसला सुनाएको अन्र्तराष्ट्रिय सञ्चारमाध्यमहरुले जनाएका छन् । पूर्व राष्ट्रपति मुर्शरफ भने उपचारका क्रममा दुबईमा रहनुभएको छ ।

यही बेला लाहोरस्थित उच्च अदालतका उच्च न्यायाधीश संलग्न बेञ्चले यो फैसला सुनाएको हो । उहाँमाथि संविधानको उल्लंघन गरेको तथा अदालतले उपस्थित हुनका लागि पटक पटक गरेको आग्रहलाई वेवास्ता गरेको आरोप लागेको छ ।

राजधानी इस्लामावादस्थित अदालतमा २०१४ को मार्च महिनामा तत्कालीन पूर्व सैनिक एवं तत्कालीन राष्ट्रपति जनरल परवेज मुशर्रफलाई अभियुक्त बनाएर संविधान उल्लंघन एवं अवहेलनासम्बन्धी मुद्दा दायर भएको थियो । स्मरणीय के छ भने आजभन्दा करिब २० वर्षअघि मुर्शरफले सैन्य विद्रोह गर्नुभएको थियो ।

त्यसलगत्तै शासनसत्ता हातमा लिनुभएका मुर्शरफले आफू शैन्य प्रमुख रहेकै बेला २००१ को मध्यताका आफूलाई राष्ट्रपति घोषणा गर्नुभएको थियो । २००७ मा आफू राष्ट्रपति रहेकै बेला देशमा संकटकाल लगाएर देशद्रोह गरेकोले उहाँलाई मृत्युदण्ड दिन अदालतले आदेश दिएको अदालतको भनाई उद्दृत गर्दै पाकिस्तानी समाचारपत्र द डनले जनाएको छ।

यसैबीच दुबईमा उपचाररत मुर्शरफले भने आफूमाथि षड्यन्त्र गरिएको र आफूले राष्ट्रघात नगरेको भिडियो सन्देश सार्वजनिक गर्नुभएको छ ।